e-academy.uz

Харакатлар стратегиясидан тест

Қонунчилик базаси

Халкаро лойихалар

ЗАМАНҒА САЙ ОҚЫЎ ӘДЕБИЯТЛАРЫН ЖАРАТЫЎ - ЕҢ ӘДИЎЛИ ЎАЗЫЙПА

Педагогикалық институттың Редакция-баспа бөлими бүгинги күнде мектепке шекемги тәлим, баслаўыш тәлим, орта мектеп, лицей, колледж ҳәм жоқары оқыў орынлары ушын пединституттың педагог-хызметкерлери жаратқан билимлендириў стандартларына, оқыў дәстүрлерине сай сабақлықларын, оқыў қолланбаларын тийисли ҳүжжетлери тийкарында қабыллап, оларды редакторлап, тийисли форматларға келтирип, баспаға усынып келмекте. Бул жумыслар ҳүрметли Президентимиз Ш.М.Мирзиёевтиң жоқары оқыў орынларын жедел раўажландырыў мәселелерине арналған қарарлары, Өзбекстан Республикасы Жоқары ҳәм орта арнаўлы билимлендириў министрлиги ҳәм НМПИ ректораты буйрықлары басшылыққа алынып, әмелге асырылмақтатийкарында жумыс алып бармақта.

Биринши Президентимиз И.А.Кәримовтың:

-Ҳәммемизге мәлим, тәлим сабақлықтан басланады. Ашынарлы болса да тән алыўға мәжбүрмиз! Дерлик барлық тараўларда сабақлықлардың аўҳалы бүгинги ҳәм ертеңги күн талаплары дәрежесинде емес,-деп атап өткениндей, биз оқыўшыларымызға ҳәр тәреплеме сапа жағынан да, сан жағынан да талапқа жуўап бере алатуғын оқыў әдебиятларын жеткерип бериўимиз керек.

Сапалы сабақлықты, басқа да оқыў методикалық әдебиятларын билимлендириў стандартларына, оқыў дәстүрлерине, ҳәзирги заман талапларына, жаңа инновациялық технологияларға сай дөретиў илимди, билимди, тәжирийбени өзинде жәмлестирген ҳалда оқытыў усылларын жақсы ийелеген жоқары эрудициялы ҳәм аса қәбилетли дөретиўшилердиң ғана қолларынан келиўи мүмкин.

Билимлендириў стандартларына ҳәм оқыў режелерине сай тийкарғы пәнлер бойынша жаратылған сабақлық ҳәм оқыў қолланбалар барлық басқышлардан өтип, талапларға жуўап беретуғын дәрежеге жеткеннен кейин пединституттың үлкен (илимий) кеңеси тәрепинен Өзбекстан Республикасы Жоқары ҳәм орта арнаўлы билимлендириў министрлиги жанындағы Муўапықластырыўшы кеңесине усынылады.

Институттың педагог-хызметкерлери тәрепинен 2017-жылдың март-декабрь айларында институт студентлери ушын қарақалпақ тилинде 65 сабақлық ҳәм оқыў қолланба жазылып, оларды Муўапықластырыўшы кеңестен өткерилип, баспадан шығарыў режелестирилген еди. Бул үлкен әҳмийетке ийе режеге киргизилген сабақлық ҳәм оқыў қолланбаларын институттың педагог-хызметкерлери үлкен жуўапкершилик пенен өз ўақтында орынлады. Бул әдебиятларды министрлик тәрепинен орайластырылған қәрежетлер есабынан басып шығарыў нәзерде тутылған.

Бул әдиўли ҳәм жуўапкершиликли жумысларды орынлаўда өз мийнетлери менен белсендилик көрсеткен кафедраларды мақтаныш пенен атап өтиў зәрүр:Қарақалпақ тили кафедрасы - 9, Информатиканы оқытыў методикасы кафедрасы - 8, Қарақалпақ әдебияты кафедрасы - 7, Математиканы оқытыў методикасы кафедрасы - 6, Миллий идея, руўхыйлық тийкарлары ҳәм ҳуқық тәлими кафедрасы - 4, Сүўретлеў өнери ҳәм инженерлик графикасы кафедрасы - 4 жумыс ислеп сапалы сабақлықлар дөретиўде белсендилик көрсетти.

Студентлерди қарақалпақ тилиндеги зәрүр заманагөй оқыў әдебиятлары менен тәмийинлеўде айрықша мийнет еткен #арақалпақ тили кафедрасының доценти, ф.и.к. А.Пирниязоваға, Қарақалпақ әдебияты кафедрасының доценти, ф.и.к М.Бекбергеноваға, профессор К.Алламбергеновқа миннетдаршылық билдиремиз. Институттың педагог-хызметкерлери жаратқан оқыў әдебиятларын өз ўақтында сапалы етип баспадан шығарыўда Н.Нысанбаев басқарған институт типографиясының орны гиреўли. Институттың бурынғы киши типографиясы 2013-жылдан баслап лицензия тийкарында үлкен типографияға айландырылды. Институттың илимий-оқыў методикалық кеңеси шешими тийкарында педагог-хызметкерлер тәрепинен оқыў қолланбалар пул төлеў жолы менен баспадан сапалы етип шығарылып келинбекте. Институтта оқып билим алып атырған студентлерди оқыў әдебиятлары менен толық тәмийинлеў мақсетинде педагог-хызметкерлер өзлериниң шығарған китапларының 10 данасын ҳәм электрон версияларын студентлердиң бийпул пайдаланыўы ушын институттың мәлимлеме-ресурс орайына тапсырады. Редакция-баспа бөлими кафедралардың оқыў әдебиятларын шығарыў бойынша жыллық жобалары тийкарында институттың жыллық режесин таярлайды ҳәм ол институттың илимий-оқыў методикалық кеңесинде додалағаннан кейин институт ректоры тәрепинен бекитилип, орынлаўға қабылланады.

Бул режениң орынланыўы жыл даўамында кафедра ҳәм факультет мәжлислеринде институттың илимий ҳәм илимий-оқыў методикалық кеңеслеринде қаралып барылады. Жылына 2-3 ҳәм оннан да көп оқыў әдебиятларын жазып шығарған педагог-хызметкерлер Редакция-баспа бөлими тәрепинен ректоратқа хошаметлеўге усынылады. Редакция-баспа бөлими жас дөретиўши авторлар менен жыл даўамында түсиндириў семинар жумысларын алып бармақта. Институттың редакция-баспа бөлими жылдан жылға жумыс нәтийжелигин арттырып, 2017-жылы жәми 192 жумысты (1165,7 б.т.) редакторлап ҳәм барлық талапларға сай дәрежеге келтирип, баспаға усынды. Бул - жоқары нәтийже, себеби бир жыллық норматив бойынша ҳәр бир хызметкерге 210 баспа табақ жумыс көлеми белгиленген болса, зыяты менен орташа ҳәр бир хызметкерге 388,5 баспа табақтан туўра келмекте.

Педагогикалық институттың студентлерин оқыў әдебиятлары менен өз ўақтында тәмийинлеўдиң 2017-жылғы режесин орынлаўда Қарақалпақ тили кафедрасы (15 жумыс), Математиканы оқытыў методикасы кафедрасы (7 жумыс), Биологияны оқытыў методикасы кафедрасы (7 жумыс), Жәмийетлик пәнлер кафедрасы (6 жумыс), Рус тили ҳәм әдебияты кафедрасы (5 жумыс), Тарийхты оқытыў методикасы (5 жумыс) пенен өз үлесин қосты. Редакция-баспа бөлими институт педагог-хызметкерлерин Жаңа жыл байрамы менен шын кеўилден қутлықлай отырып, жас әўладқа терең билим, илим ҳәм тәлим-тәрбия бериўде ҳәзирги ғәрезсизлик руўхына сай, дүнья жүзилик стандартларға жуўап беретуғын ең заманагөй оқыў әдебиятларын жаратыўда тасқын табыслар тилейди ҳәм жақыннан жәрдем етиўге таяр екенин билдиреди.

К.М.Кощанов, Профессор, Редакция-баспа бөлиминиң бас редакторы.

Ҳ.Қ.Шамуратова, Редакция-баспа бөлиминиң техникалық редакторы.

 


QABUL - 2018

НМПИ 2018-2019-оқыў жылы ушын ҚАБЫЛЛАЎ КОМИССИЯСЫНАН ТЕЗ МАҒЛЫЎМАТ АЛЫЎ ТЕЛЕФОНЛАРЫ 

(CALL  CENTER) 

(+99861) 229-40-93
(+99861) 229-41-03 
(+99861) 229-40-97

Абитуриентлер ҳужжетлерин қабыл етиў 15-июндан-15-июлге шекем
Тест сы наўлары   1-августтан 15-августка шекем
Биринши смена 08:00
Екинши смена 15:00




Кабыллау  бойынша веб-сайт


Корпоратив почта

"Edu.uz" rasmiy kanali

Электрон таълим