e-academy.uz

Харакатлар стратегиясидан тест

Қонунчилик базаси

Халкаро лойихалар

«Қубла Арал бойы халықлары тарийхының актуал мәселелери» атамасындағы республикалық илимий-теориялық конференция болып өтти

2018-жыл 27-28-апрель күнлери Нөкис мәмлекетлик педагогикалық институты Тарийх оқытыў методикасы кафедрасы тәрепинен «Қубла Арал бойы халықлары тарийхының актуал мәселелери» атамасындағы Республикалық илимий -теориялық конференция болып өтти.

Конференцияны институттың илимий ислери бойынша проректоры М.Жалелов ашып берди ҳәм басқарып барды. Ол өз сөзинде бул конференцияның әҳмийети, алға қойған мақсети ҳәм ўазыйпасын айтып өтти. Конференция жумысына табыслар тиледи. Конференцияның ашылыў мәресиминде Өзбекстан Қаҳарманы , ӨзРИА ҚБ Қарақалпақ гуманитар пәнлер илим-изертлеў институты Археология бөлими баслығы т.и.к. Ғ.Хожаниязов өзиниң « Орайлық Азия қалалары контекстинде Арал бойы дельтасының пайтахт қалалары: Археологиялық изертлеўлер (1958-2018 жыллары) », Тарийх оқытыў методикасы кафедрасы т.и.к., профессор М.Тлеумуратов « Академик Я.Гулямов – Хорезм тарийхы ҳәм археологиясын изертлеўши алым », ӨзРИА ҚБ Қарақалпақ гуманитар пәнлер илим-изертлеў институты Тарийх бөлими баслығы т.и.к., үлкен илимий хызметкер А.Джумашев « Повседневная история городов Каракалпакстана в мемуарах и воспоминаниях » атлы баянатлары менен қатнасты.

Сол күнниң өзинде 4 секция өз жумысын баслады. Қубла А рал бойы халықларының археологиялық, этнографиялық ҳәм этнологиялық изертлеўлердиң заманагөй машқалалары атлы 1-секцияға т.и.к., проф. М.Тлеумуратов басшылық етти. Орынбасары т.и.к. А.Сарыбаев. Хаткер У.Календаров. Секцияға 25 мақала келип түсти.  Қубла А рал бойы халықлары тарийхының актуал мәселелери атлы 2-секцияға т.и.д. Я.Абдуллаева басшылық етти. Орынбасары Р.Реймбаев. Хаткер З.Абдуллаева. Секцияға 37 мақала келип түсти.  Қубла Арал бойы халықларының мәдений руўхый мийрасларын үйрениў мәселелери атлы 3-секцияға п.и.к. Т.Кудайбергенова басшылық етти. Орынбасары С.Досмаганбетов . Хаткер Т.Аметов . Секцияға 41 мақала келип түсти.

Қубла Арал бойы халықлары тарийхын оқытыўдың заманагөй метод ҳәм усыллары атлы 4-секцияға т.и.к. Т.Кудярова басшылық етти. Орынбасары Г.Акимниязова . Хаткер Ф.Нажимова. Секцияға 19 мақала келип түсти.  Секциялар 28 -апрель күни өз жумысларын даўам етти. Секцияларда профессор- оқытыўшылар, илимий излениўшилер, магистрантлар, студентлер өзлериниң илимий мақалалары менен қатнасты. Белсене қатнасқанлар баҳалы сыйлықлар ҳәм мақтаў жарлықлары менен хошаметленди.

Конференция жабылыўын Тарийх-география факультети деканы Э.Асаматдинов алып барды. Ол өз сөзинде конференция өз алдына қойған мақсетке жетти ҳәм ўазыйпасын атқарды деп айтып өтти. Жетискенликлер ҳаққында айтып өтиўинде конференцияға улыўма 122 мақала келип түскенлигин, олар республикамыздың түрли ўәлаятларынан екенлигин атап өтти. Тарийх оқытыў методикасы кафедрасы профессор-оқытыўшыларына ең көп мақалалары менен қатнасқаны ушын миннетдаршылық билдирди.

Секция баслықлары есабатлар берди. Конференция жабылыўында тарийх оқытыў методикасы кафедрасы үлкен оқытыўшысы О.Юсупов, 4-курс студентлери А.Маратова, А.Абатов, Н.Бийсенбаевлар сөзге шықты.

Тарийх оқытыў методикасы кафедрасы ассистент оқытыўшылары: Г.Акимниязова, З.Абдуллаева



QABUL - 2018

НМПИ 2018-2019-оқыў жылы ушын ҚАБЫЛЛАЎ КОМИССИЯСЫНАН ТЕЗ МАҒЛЫЎМАТ АЛЫЎ ТЕЛЕФОНЛАРЫ 

(CALL  CENTER) 

(+99861) 229-40-93
(+99861) 229-41-03 
(+99861) 229-40-97

Абитуриентлер ҳужжетлерин қабыл етиў 15-июндан-15-июлге шекем
Тест сы наўлары   1-августтан 15-августка шекем
Биринши смена 08:00
Екинши смена 15:00




Кабыллау  бойынша веб-сайт


Корпоратив почта

"Edu.uz" rasmiy kanali

Электрон таълим