e-academy.uz

Харакатлар стратегиясидан тест

Қонунчилик базаси

Халкаро лойихалар

«География пәни ҳәм оны оқытыўдың актуаль мәселелери» атамасындағы Республикалық илимий-теориялық конференция болып өтти

2018-жыл 10-11-апрель күнлери Нөкис мәмлекетлик педагогикалық институты Географияны оқытыў методикасы кафедрасы тәрепинен «География пәни ҳәм оны оқытыўдың актуаль мәселелери » атамасындағы Республикалық илимий -теориялық конференция болып өтти .

Конференцияны институттың илимий ислери бойынша проректоры М.Жалелов ашып берди ҳәм басқарып барды. Ол өз сөзинде бул конференцияның әҳмийети, алға қойған мақсети ҳәм ўазыйпасын айтып өтти. Конференция жумысына табыслар тиледи. Конференцияның ашылыў мәресиминде г.и.д. Е.Умаров өзиниң «Ҳәзирги заман география илиминиң дифференциацияланыўы ҳәм оның структурасында социаллық-экономикалық бағдарлардың раўажланыўы», Географияны оқытыў методикасы кафедрасы баслығы, п.и.к. доцент Р.Гайпова «Географияны оқытыў нәтийжелилигинде баслы стратегиялар ҳәм тийисли шешимлер», кафедра ассистент оқытыўшысы Қ.Узақбаев «Геоэкологиялық жағдайларға урыслардың тәсири», Географияны оқытыў методикасы тәлим бағдары 2-А курс студенти А.Шарибайев «Өзбекстан экономикасында темир жоллардың тутқан орны ҳәм раўажландырыў перспективалары» атлы баянатлары менен қатнасты.

Сол күнниң өзинде 4 секция өз жумысын баслады. Тәбийий география ҳәм геоэкология мәселелери атлы 1-секцияға г.и.к. доцент Қ.Сейтниязов басшылық етти. Орынбасары А.Искендеров. Хаткер М.Раджапов. Секцияға 41 мақала келип түсти. Социал-экономикалық география ҳәм демографияның актуал машқалалары атлы 2-секцияға г.и.к. доцент Г.Утепова басшылық етти. Орынбасары А.Нурланов. Хаткер А.Умарова. Секцияға 29 мақала келип түсти. География тәлими ҳәм оны оқытыўда инновацион технологиялардан пайдаланыў усыллары атлы 3-секцияға п.и.к. доцент Р.Гайпова басшылық етти. Орынбасары А.Жолдасов. Хаткер Қ.Узақбаев. Секцияға 33 мақала келип түсти.

Илимниң дифференциацияланыўы ҳәм арнаўлы пәнлерди оқытыўдың актуаль мәселелери атлы 4-секцияға үлкен оқытыўшы Ж.Абдираманов басшылық етти. Орынбасары Н.Отенов. Хаткер З.Турдыбекова. Секцияға 47 мақала келип түсти.

Секциялар 11-апрель күни өз жумысларын даўам етти. Секцияларда профессор—қытыўшылар, илимий излениўшилер, магистрантлар, студентлер өзлериниң илимий мақалалары менен қатнасты. Белсене қатнасқанлар баҳалы сыйлықлар ҳәм мақтаў жарлықлары менен хошаметленди.

Конференция жабылыўын Тарийх-география факультети оқыў ислери бойынша орынбасары А.Жолдасов алып барды. Ол өз сөзинде конференция өз алдына қойған мақсетке жетти ҳәм ўазыйпасын атқарды деп айтып өтти. Жетискенликлер ҳаққында айтып өтиўинде конференцияға улыўма 150 мақала келип түскенлигин, олар республикамыздың түрли ўәлаятларынан екенлигин атап өтти. Химияны оқытыў методикасы кафедрасы профессор-оқытыўшыларына ең көп мақалалары менен қатнасқаны ушын миннетдаршылық билдирди.

Секция баслықлары есабатар берди. Конференция жабылыўында г.и.д. Е.Умаров, 4-курс студентлери Б.Балтабаев, А.Айтмуратов, Г.Алимовалар сөзге шықты.

Географияны оқытыў методикасы ассистент оқытыўшысы: Қ.Узақбаев












QABUL - 2018

НМПИ 2018-2019-оқыў жылы ушын ҚАБЫЛЛАЎ КОМИССИЯСЫНАН ТЕЗ МАҒЛЫЎМАТ АЛЫЎ ТЕЛЕФОНЛАРЫ 

(CALL  CENTER) 

(+99861) 229-40-93
(+99861) 229-41-03 
(+99861) 229-40-97

Абитуриентлер ҳужжетлерин қабыл етиў 15-июндан-15-июлге шекем
Тест сы наўлары   1-августтан 15-августка шекем
Биринши смена 08:00
Екинши смена 15:00




Кабыллау  бойынша веб-сайт


Корпоратив почта

"Edu.uz" rasmiy kanali

Электрон таълим