e-academy.uz

Харакатлар стратегиясидан тест

Қонунчилик базаси

Халкаро лойихалар

Әжинияз атындағы Нөкис мамлекетлик педагогикалық институтында компьютер техникасы ҳәм тармақ хызметлеринен пайдаланыў, компьютер жумыс орынларын ҳәм классларын шөлкемлестириў ҳәмде қоллаў бойынша

ҚАҒЫЙДАЛАР

 

1. Улыўма жағдайлар

1.1.                  Усы қағыйдалар Өзбекстан Республикасының «Ахборотлаштириш тўғрисида»ги Нызамына муўапық, Өзбекстан Республикасы Президентиниң 2012 жыл 21-мартдағы ПҚ-1730 санлы «Замонавий ахборот-коммуникация технологияларини янада жорий қилиш ва ривожлантириш чора-тадбирлари тўғрисида»ги Нызамы, ӨзР Министрлер Кабинетиниң 2002 жыл 6-июнь 200-санлы «Компьютерлестириўди және де раўажландырыў ҳәм хабар-коммуникация технологияларын енгизиў ис-илажлары ҳаққында» ҳәм 2012-жыл 1-февральдағы 24-санлы «Орынларда компьютерлестириў ҳәм хабар-коммуникация технологияларыны және де раўажландырыў ушын шараятлар жаратыў ис-илажлары ҳаққында» нызамы, Өзбекстан Республикасы Жоқары ҳәм орта арнаўлы билимлендириў министрлиги (ӨзР ЖОАБМ)ниң 2012 жыл 28-март 124-санлы буйрығы, Жоқары ҳәм орта билимлендириў министрлиги 2013 жыл 10-сентябрь 331-санлы буйрығына тийкарланып, Әжинияз атындағы Нөкис мамлекетлик педагогикалық институты бөлимлеринде компьютер ҳәм тармақ хызметлеринен пайдаланыў, Интернет тармағында ислеў, компьютер жумыс орынлары(КЖО) ҳәм оқыў компьютер класслары(ОКК)н шөлкемлестириў ҳәм қолланыўын тәртипке салыў мақсетинде ислеп шығылған.

1.2.                  Компьютер ҳәм телекоммуникация ресурс ҳәм хызметлери төмендегилерди өзинде жәмлейди: Әжинияз атындағы Нөкис мамлекетлик педагогикалық институты есаплаў тармақлары тиккелей ямаса билвосита мүрәжет етиўши көп функционал сервер, жумысшы станция, автоном ҳәм мобил компьютер ҳәм басқа қурылмалар, программалық тәмийнатлар ҳәмде ишки ҳәм сыртқы байланыс каналлары (Интернет тармағы, электрон почта системасы ҳәм басқалар).

1.3.                  Бул хүжжет Әжинияз атындағы Нөкис мамлекетлик педагогикалық институты компьютер ҳәм тармақ ресурсларынан пайдаланыў ҳәмде КЖО ҳәм ОККларын шөлкемлестириў ҳәм қоллаў бойынша тийкарғы мақсет, ўазыйпа, улыўма принциплер ҳәм бағдарларды белгилеп береди.

 

2. Компьютер ҳәм Институт техникалары   ҳәм де программалық тәмийнатлардан пайдаланыў тәртиби

2.1.                  Пайдаланыўшы техникалық қәўипсизлиги, өрт қәўипсизлиги ҳәмде компьютер ҳәм Институт техникаларынан пайдаланыў қағыйдаларына бойсыныўы шәрт.

2.2.                  Ҳәр бир пайдаланыўшының жумыс орны ушын бар болған мийнет қәўипсизлиги инструкциясы менен танысып шыққан болыўы шәрт.

2.3.                  Компьютер ҳәм Институт техникалары менен ислеў мақсет, усыл ҳәм мазмуны пайдаланыўшы хызмет ўазыпаларына сәйкес келиўи керек.

2.4.                  Пайдаланыўшыға төмендегилер қадаған етиледи:

2.4.1.            Улыўма пайдаланыўға гөзленген дерек қурылмаларды өшириў.

2.4.2.            Компьютер ҳәм Институт техникаларын сазлаўларын өзгертириў ҳәм оңлаў жумысларын алып барыў.

2.4.3.            Ажыратылған жумыс орнына мөлшерленбеген перефериялық қурылмаларын жалғаў.

2.4.4.            Бар болған системалы, офис, әмелий тармақ ҳәм басқа программалық тәмийнат үскенелерин жаңадан орнатыў ямаса модификация қылыў.

2.4.5.            Пайдаланыўшы оның компьютеринде бар болған антивирус программасынан пайдаланыўды билиўи лазым. Сыртқы информация сақлаў дереклери менен ислеўден алдын антивирус тексериўинен өткизиўи шәрт. Антивирус программасы пайдаланыўға жарамлы болмаған жағдайда сыртқы информация дереклери менен ислеў қатты   қадаған етиледи.

 

3. Информация қәўипсизлиги тийкарлары

3.1. Пайдаланыўшы зәрүрли хабарды тасыўшы дерекде ямаса серверге сақлаўды билиўи лазым.

Көпшилик жағдайларда информацияны:

-физикалық жоғалтыўынан;

-лицензиясыз программалық тәмийнатдан пайдаланыўынан өшип, өзгерип, бузылып кетиўден;

-компьютер вируслары ямаса оған уқсаған программалар тәрепинен өшип кетиўи, өзгериўи ҳәм бузылыўынан;

-өзге адамлар тәрепинен рухсат етилмеген өзгертириўлер, көрип шығыўлар, өшириўлерди әмелге асырыўдан сақлаў лазым.

Информацияның физикалық жоғалтылыўы төмендеги жағдайларда жүз бериўи мүмкин:

-информация тасыўшы қурылманың истен шығыўы;

-компьютер ямаса информация тасыўшы қурылманың урланыўы;

-тәбийғый апатшылық;

-есаплаў техникасы ямаса информация тасыўшы қурылмадан пайдаланыў қағыйдаларына бойсынбаслығы.

Информацияны физикалық жоқ етилиўинен сақлаў илажлары:

-қымбатлы информацияның қосымша нусқаларын алыў;

-есаплаў техникасы ҳәм информация тасыўшыларды сыртқы тәсирден қорғанған ҳәм қорғалатуғын бөлмелерде сақлаў.

 

4. Тармақда инфомациядан пайдаланыў , оның менен ислеў ҳәм сақлаў тәртиби

4.1.  Тармақдан пайдаланыўдың улыўма тәртиби:

4.1.1.      Институт тармақ информация ресурсларынан пайдаланыў тәртиби орталығына
тармақты
       басқарыў         функциясы     бириктирилген          қурамындағы             бөлимлер       тәрепинен администрацияның көрсетпеси тийкарында әмелге асырылады.

4.1.2.     Пайдаланыўшыларға өзбасымшалық пенен тармақ менен ислеўге арналған
программалық қурылмаларды орнатыў ямаса бар болған программалық қурылмалар
конфигурацияларын өзгертириўи қадаған етиледи.

4.1.3.   Корпаратив тармақ пайдаланыўшысына есап жазыўы ҳәм жасрын гилт көрсетиледи.
Тармақға кириў ҳәм электрон почтадан пайдаланыў ушын берилген жасырын гилтлер
қупыялылығына пайдаланыўшы жуўапкер есапланады. Индивидуал жасырын гилитлерди
жәрялаў, тармақда сақлаў ямаса үшинши адамға бериў қадаған етиледи. Пайдаланыўшы жасырын
гилт жоғалтылғанында тармақ хызметин басқарыўға жуўапкер бөлимге дәрҳал мүрәжет етиўи
шәрт.

4.2.  Тармақда жумыс алып барыў:

4.2.1.    Компьютер ҳәм телекоммуникация хызмет ресурсларынан жеке мәплерде пайдаланыў қадаған етиледи.

4.2.2.    Жалған, жала, сөгис, қорқытыў ямаса нызамға қайшы материалларды электрон почта байланыс   қуралларынан   пайдаланып   тарқатыў   ҳәм   сақлаў   қадаған   етиледи.   Бул   көринисдеги мағлыўматлар   барлығын   сезип   қалған   пайдаланыўшы   дәрҳал   тикккелей   администрацияға   ҳәм тармақ хызметине жуўапкер бөлимни хабардар етиўи шәрт.

4.2.3.   Пайдаланыўшы хызмет шеңберинде электрон почта хабарлары яки басқа түрдеги
электрон хүжжетлерде этикаға қарсы болған материаллардың болмаслығыны тәминлеўи шәрт.
Жөнетилип   атырған файллар форматы алыўшы менен келисилиўи тийис.

4.2.4.  Пайдаланыўшының рухсатысыз оған тийисли файлды өзгертириў яки нусқа алыў қатаң
қадаған етиледи.

4.2.5.   Пайдаланыўшы тармақ ресурсларынан пайдаланыўы ўақтында авторлық хуқуқлары
ямаса басқа норматив хуқықый хүжжет талапларына әмел қылыўы шәрт.

4.2.6.    Пайдаланыўшы өзге пайдаланыўшы атынан ислеўге, рухсат етилмеген хабар
ресурсларынан пайдаланыў, көрип шығыў, нусқа алыў, өзгертириў ямаса өшириў сыяқлы
хәрекетлерди әмелге асырыўға хақы жоқ.

4.2.7.    Пайдаланыўшы тармақда мағлыўмат алмасыўын белгиленген тармақ программалары арқалы әмелге асырыўы шәрт. Тармақ пайдаланыўшылары арасында хабар алмасыўын сыртқы хабар тасыўшы қуралларында әмелге асырыў қадаған етиледи.

4.2.8.    Пайдаланыўшы хабар ресурслары толықлығына қәўип туўдырыўшы ҳәм/ямаса хабар ресурсларыны рухсатсыз пайдаланыў, өшириў, өзгертириў, бузыў ямаса компьютер ҳәм тармақ ишинде насазлықларды келтирип шығарыўшы басқа факторларды сезип қалғанында тиккелей администрацияға ямаса тармақ хызметине жуўапкер бөлимге хабар береди.

4.3. Тармақда хабарды сақлаў:

4.3.1.     Әжинияз атындағы Нөкис мамлекетлик педагогикалық институты системасы жумысы
шеңберинде барлық хабар ресурслары тармақ серверлеринде сақланады, администрация менен
келисилген тәртипде сақланатуғын базы бир мағлыўматлар буннан тысқары. Тармақ
администраторы ямаса оған теңлестирилген жуўапкер хызметкер өз ўақтында қосымша нусқа
алыўды әмелге асырады.

4.3.2.    Пайдаланыўшыларға мағлыўматларды орайласқан сақлаў серверлеринде хызмет
ўазыйпаларынан басқа хабарларды, кеўилашар характердеги материалларды, ойынларды сақлаў
қадаған етиледи.

4.3.3.        Тармақға        жалғанған        компьютерлерде        мәмлекет        сырларына        тийисли
хүжжетлестирилген хабарларды жыйнаў ҳәм сақлаў қадаған етиледи. Тарқатылыўы шекленген
хабарлардан пайдаланыў, қайта ислеў ҳәм сақлаў бундай көринистеги хабарлар менен ислеў
тәртибин белгилеўши норматив хүжжетлер талаплары орынланғанынан ҳәм техникалық
каналлардан тарқалып кетилиўи итималлықлары шешилгеннен соң әмелге асырылыўы мүмкин.

 

5. Халық аралық информация тармағы Интернетте информация ресурсларынан пайдаланыў ҳәм алмасыўын жолға қойыў тәртиби

5.1.    Интернет халық аралық информация тармағы ямаса электрон почта хызметинен
пайдаланыўшыларды жалғаныўы тармақ хызмети тәрепинен бөлим администрациясының
мүрәжати тийкарында әмелге асырылады.

5.2.   Тармақ хызметине жуўапкер бөлим Интернет тармағы ямаса электрон почта менен
ислеўге гөзленген программалық тәмийнат орнатылады. Тармақ серверлери ҳәм пайдаланып
атырған протоколлардың өзбасымшалық пенен конфигурацияларын өзгертириў ҳәм сазланыўы
қадаған етиледи.

5.3.  Компьютер жумысшы орынларында пайдаланыўшыларға Интернет тармағында ислеўде
төмендегилер қадаған етиледи.

5.3.1.    Интернет тармағы ямаса электрон почтадан хызметте пайдаланыўға гөзленген ҳәм де коммерциялық ямаса басқа сырды өзинде сәўлелендирген хабарарды тарқатыў.

5.3.2.    Интернет тармағынан кеўилашар ҳәм хызмет ўазыйпалары шеңберине кирмейтуғын мағлыўматларды алыў.

5.3.3.    Хызмет ўақтында Интернет тармағы ямаса электрон почтаға өзиниң жумыс орны ҳәм өз хызмет есап китап жазыўларынан пайдаланмаған жағдайда жалғаныў.

5.3.4.    Басқа адамларға пайдаланыўшы тәрепинен өзиниң Интернетге жалғаныў есап китабын жазыўды усыныс етиў.

5.3.5.    Өзиниң хызмет электрон почта мәнзилин электрон каталоглар ҳәм Интернет тармағы излеў системаларында жәриялаўы.

5.3.6.    Хызмет ўазыпаларын орынлаў шеңберине кирмейтуғын түрли реклама материаллары, тарқатпа қағазлар, электрон журналлар ҳ.т.б. ларға жазылыў.

5.3.7.     Интернет тармағы ямаса электрон почтадан алынған файлларды антивирус
тексериўинен өткерместен пайдаланыў.

5.5. Инструкция бәндлериндеги қағыйдалар бузылғанда пайдаланыўшы ескертиўсиз Интернет тармағынан үзип қойылыўы ҳәмде администрация ҳәм информация қәўипсизлиги бойынша қәниге қағыйда бузылыўынан жағдайдан хабар етиўи мүмкин.

 

6. Ханалар ҳәм жумысшы орынларды шөлкемлестириўге талаплар

6.1. Компьютер жумысшы орынлары (КЖО)ны орнатылатуғын ханалар Санитар қағыйдалары ҳәм нормативлери тийкарында үскенелениўи тийис (ӨзР Бас санитар шыпакери тәрепинен тастыйықланған «Жеке компьютерлерден, видеодисплей терминалларынан ҳәм мәкеме техникасынан пайдаланыўда» 2007 жыл 29 мартдағы №0224-07 Санитар қағыйдалары ҳәм нормативлери).

6.2.   Хана тәбийғый ямаса жасалма жарытқыш дереги менен тәмийнленген болыўы шәрт. ОККларыны жертөле ҳәм ярым жертөле ханаларына орналастырыўы қадаған етиледи.

6.3.   Компьютер техникасынан пайдаланып атырған хана айналары илажы болғанша арқаға ямаса арқа-шығысқа қаратылған болыўы керек.

6.4.   Айна қәдди жалюзи, перде сыртқы қапламалар, метал пәнжере сыяқлы қурылмалар менен үскенелениўи керек.

6.5.   КЖО ҳәм ОККлардан пайданалыўды жолға қойыўда ҳәр бир жумысшы орын ушын 6м2 орын ҳәм 20м3 сыйым ажыратылған болыўы тийис (СанПин№0224-07).

6.6.   Жеке компьютер жайласқан ханалар жылытыў системасы, ҳаўа кондиционери ямаса ағымлы-сорылыўшы ҳаўа алмасыўшы қурылмалары менен үскенеленген болыўы керек.

6.7.   Компьютер менен үскенеленген ханаларда күнделикли тәризде ызғар тазалаў ҳәм ҳәр бир жумысшы саатда системалы ҳаўа алмастырып турылыўы көзде тутылады.

 

6.8.    Компьютерден пайдаланатуғын ханаларда сыпатлы тазалаўды әмелге асырыў ушын тегис, ойықсыз, сыйпақ болмаған пол болыўы мақсетке муўапық.

6.9.    Компьютер қурылмаларының шаўқым дәрежеси белгиленген өлшемнен жоқары болса, оларды бөлек ханаларға орнатылыўы усыныс етиледи.

6.10.   Жумыс стулы (кресло) имканият дәрежесинде көтерилиўши-бурылыўшы,  желкени
талықтырмайтуғын маневрға ийе болыўы талап етиледи.

6.11.  ОККда студентлердиң компьютерде ислеўлерине кесент беретуғын буйымларды қойыў
имканын бериўши шкаф пенен үскенеленген болыўы керек.

 

7. ОККның материаллық тәмийнаты

7.1. ОКК жәмленмеси:

- санитария гигениялық талапларға жуўап бериўши (3м. Шифт бәлентлигине 6 м2 ға 1 жумыс орны) 10-14 компьютер;

-даўыс күшейтиргишлер(зәрүрятқа көре);

-пәс шаўқымлы принтер(зәрүрятқа көре);

-проектор (зәрүрятқа көре);

-сканер(зәрүрятқа көре);

-жергиликли тармақты қәлиплестириў ушын қурылма;

-программалық тәмийнат;

-оқыў процессин шөлкемлестириў ушын зәрүр оқыў-методикалық әдебиятлар;

-маркерли тахта (зәрүрятқа көре);

7.2.  ОКК төмендегилер менен үскенеленген болыўы керек
-өрт өшириўши қураллар;

-орынларды жарықлығын тәминлеўши жарытқышлар (зәрүрятқа көре); -методикалық информация стенти;

-информация стенти (ОККна кириўде, коридор бөлиминде); -хабаршы(сигнализация) системасы; -кондиционерлер (зәрүрятқа көре); -медициналық қутышасы.

7.3.    ОКК айналарына жалюзи, перде ямаса сыртқы қаплама (имканият дәрежесинде)
орнатылып, сыртынан метал пәнжере орнатылады.

7.4.  Методикалық стенд төмендегилерди өзинде сәўлелендириўи керек:

-техника қәўипсизлиги ҳәм ислеў қағыйдалары бойынша көрсетпелер;

-көзди дем алдырыў ушын шынығыўлар жыйындысы, дене тәрбия усыллары;

-ОКК да алып барылып атырған сабақлар бойынша қосымша электрон хабар дереклериниң Интернет-мүрәжатлари;

-алып барылып атырған сабақлары бойынша методикалық көрсетпелер;

-көп берилетуғын сораўларға жуўаплар.

7.5.    ОКК материаллық-техникалық базасын қаржыландырыў Институт бюджет ҳәм
бюджеттен тысқары қәрежетлери тийкарында әмелге асырылады.

 

8. КЖО ҳәм ОКК материаллық - техникалық базасы толықлығына жуўапкершилик

8.1.     КЖО ҳәм ОККларындағы материаллық-техникалық базасының (компьютерлер,
қурылмалар, инвентарлар, мебел, программалық тәмийнат) толықлығына жуўапкершилик
жуўапкер адамның жуўапкершилигине жүклетиледи.

8.2.  Барлық үскенелер номерленген болыўы шәрт.

8.3.     Материаллық жуўапкер адам жумыстан босап атырғанда жуўапкершиликти
Институт(бөлим) жуўапкер адамы жуўапкершилигине өткериўи талап етиледи.

9. ОКК(методикалық кабинет) функциялары

9.1. ОКК(методикалық кабинет) студентлерге компьютер саўатханлығы сабақлары, илимий техникаларды оқыў процессинде қоллаў, қадағалаў ҳәм модел-ойынлы программаларды өткериў ушын хызмет етеди. Буның ушын:

-оқыў режелери тийкарында информатика сабағы ҳәм басқа компьютер қолланылатуғын сабақлар өткерилиў ўақытлары белгиленеди;

-ОКК жуўапкер адамның қатаң қадағалаўы астында студентлердиң өз бетинше таярлығы ушын саатлар ажыратылады;

-оқыў-методикалық программалық өнимлер банки орнатылған;

-электрон сабақлық ҳәм қолланбалар банки көрсетиледи;

-студентлер, профессор оқытыўшылар ҳәм хызметкерлер пайдаланыўы мүмкин болған оқыў-методикалық әдебиятлар ҳәм методикалық қолланбалар базасы қәлиплестирилиўи;

-үйренилип атырған пән бойынша ҳәм программалық өнимлерден оқыў процессинде пайдаланыў барысында пән оқытыўшылары ҳәм инженер кеңеси астында мәсләҳәтлер әмелге асырылады;

-пайдаланыўшылар ушын Институт ҳәм Интернет тармағына кириў мүмкиншилиги жаратылады.

 

10. ОКК ( методикалық кабинет ) лериниң жумыс хызметин шөлкемлестириў

10.1.   ОККда өткерилетуғын сабақлар кестеси тийисли тәртипте тастыйықланады.

10.2.   Оқыў саатлары кестелер тийкарында белгиленеди.

10.3.    Тастыйықланбаған    кестеде    ислеў    ўақты    администрация    атына    арза    көрнисинде рәсмийлестириледи.

10.4.   ОККларда өз бетинше жумыс ҳәм профилактика жумысларын алып барыў ушын ўақыт ажыратылған болыўы керек.

10.5.   Ҳәр бир ОККне инженер (норматив хүжжетлер тийкарында) бириктириледи.

10.6.   Студентлердиң ОККна кириўи/шығыўы сабақ өтиўши профессор-оқытыўшы тәрепинен қоңыраўға қарап әмелге асырылады.

10.7.    Студентлер сабақ ўақтында КЖОда болады. Жағдайға қарап студент оқытыўшы
рухсаты менен бир мүддетке класстан шығып кетиўи мүмкин.

10.8.   Компьютерден группалы пайдаланыў сабақларында қурылмалардың ҳәм программалық тәмийнатларының пүтинлигине сабақ өтип атырған пән оқытыўшысы жуўапкер.

10.9.   Сабақ тамам болыўы менен оқытыўшы инженерге ОККны тапсырады.

10.10.   ОКК (методикалық кабинет)де студент ҳәм профессор-оқытыўшылар өз бетинше
жумыс пенен шуғылланғанларында ОККның пүтинлиги ҳәм тазалығына инженер жуўапкер
болады.

 

11. ОКК бойынша хүжжетлестириў

-мийнет қәўипсизлиги бойынша журнал (китап);

-мийнет қәўипсизлиги ҳәм өрт қәўипсизлиги бойынша көрсетпелер;

-ОККда ислеў көрсетпеси ҳәм қағыйдалар;

-материаллық, материаллық-техникалық есап китап жүргизиў журналы;

-ОКК паспорты;

-компьютер   техникасы  ҳәм   программа   тәмийнат   насазлықлары  ҳәм   профилактикалық жумыслар журналы;

-өз бетинше жумыс ислеў ушын киргизилген студентлердиң дизими ҳәм машина ўақтын есапқа алыў журналы;

-программа тәмийнатты орнатыўға буйыртпа журналы.

 

12. ОКК инженериниң хуқуқы ҳәм мәжбүрятлары

12.1.    ОКК   инженер   мәжбүриятларына   жумысты   шөлкемлестириў   менен   байланыслы
хызметлер киреди;

-КЖОны жумыс баслаўға ҳәм тамамлаўға таярлаў(гилтди алыў/тапсырыў, компьютер ҳәм кондиционерлерди қосыў/өшириў ҳ.т.б);

-қурылмаларды жумысшы жағдайда сақлаў;

-студент ҳәм оқытыўшыларды классқа кириўин тәмийнлеў;

-студент   ҳәм    профессор-оқытыўшыларға    техника    қәўипсизлиги    ҳәм    ОККда    ислеў қағыйдалары менен таныстырыў;

-техника қәўипсизлиги бойынша журнал жүргизиў (көрсетпелер менен таныстырғанлығы-мийнет қорғаныўы, ОККда ислеў қағыйдалары);

-ОКК   хызмети   менен   байланыслы   айрықша  жағдайлар   жүзеге   келгенде   студент  ҳәм прфессор-оқытыўшыларға жәрдем көрсетиў.

12.2.    ОКК   инженерине   программалық   тәмийнат   пенен   ислеў   бойынша   жүклетилген
ўазыйпалар:

-зәрүрий программалық тәмийнатты өз ўақтында орнатыў ҳәм сазлаў;

-программалық тәмийнатлар электрон архивти қәлиплестириў;

-компьютер системасын вируслардан қорғаў;

-программалар менен ислеўде профессор-оқытыўшыларға жәрдем бериў.

12.3.  Төмендеги қосымша ўазыйпалар ОКК инженериниң жуўапкершилигинде;

-студентлерге, оқытыўшыларға ҳәм Институт (бөлим) хызметкерлерине оқыў-методикалық әдебиятларды есап жүргизиў журналына киргизиў арқалы бериў;

-техникалық қурылмаларды жумыс жағдайы, нормада жаратылыўы, күнделикли жыйнастырыў жумысларын әмелге асырылыўын тәмийнлеў (барлық насазлықлар ҳаққында есап жазыўды жүргизиў);

-медицина қутысында белгиленген дәри затлардың барлығы ҳәм жарамлылық мүддетини қадағалаў;

-ОККда бәрқулла техникалық профилактиканы алып барыў;

-ОКК ханасын самаллатып турыў, ҳаўа температурасының нормативлиги ҳәм айна ҳәм жарытқышларды тазалығын қадағалаў.

 

13. Оқытыўшының ҳуқуқы ҳәм мәжбүрятлары

13.1.  ОККда ислеў ўақтында оқытыўшы төмендеги жумысларды жуўапкершилигине алады:

-студентлериниң ОККда ислеўи ушын техника қәўипсизлиги ҳәм мийнет қорғаныўы, компьютерде ислеў тәртиби бойынша (оқыў жылы басында биринши сабақта) түсиндириў өткериўи, мийнет қорғаныўы ҳәм техника қәўипсизлиги журналына жазыўлар киргизиў;

-программалық тәмийнат, тармақ ҳәм системалық тәмийнатының пүтинлигин сақлаў;

-сабақ машғулатлары процессинде ОКК ҳәм студентлерди қараўсыз қалдырмаў.

13.2.  Оқытыўшы төмендеги ҳуқықларға ийе:

-инженер (администратор)ға программалық тәмийнат бойынша талапнама усыныс етиў;

-электрон архивде сақлаў ушын хабар бериў;

-студентлерге қосымша оқыў информацияны алыўы ушын Интернет-мүрәжатлар дизимин қәлиплестириў;

-жоба мәсләхәтлер өткериў;

-классда өз бетинше жумыс орынлаў ушын ўақыт сораўын бериў.

 

14. КЖО ямаса ОКК пайдаланыўшыларының ҳуқуқы ҳәм мәжбүриятлары

14.1. Пайдаланыўшы (профессор-оқытыўшы, хызметкер, студент) төмендегилерди орынлаўы шәрт:

-КЖО ямаса ОККда ислеўи ушын техника қәўипсизлиги ҳәм мийнет қорғаныўы, компьютерде ислеў режими бойынша(дәслепки жумыс баслаўы ямаса оқыў жылы басында биринши сабақда) түсиндириўден өтиўи;

-техника қәўипсизлиги ҳәм мийнет қорғаныў қағыйдаларына бойсыныўы;

-КЖО ямаса ОККда ислеў қағыйдаларына бойсыныўы;

-жумыс орнында тәртип ҳәм тазалықға бойсыныўы;

-үст кийимлерди (портфелин) кийим шкафында ямаса арнаўлы ажыратылған орында қалдырыўы;

-ОККда ислеў ўақтында мобил телефонларының даўысыны өширип қойыўы;

-өзи отырған компьютерде есап жазыўы мағлыўматларды дурыс киргизиўи;

-программа ямаса қурылмадағы насазлықлар жүз бергенде КЖО да жуўапкер хызмет ямаса ОККда оқытыўшы ямаса инженерге дәрҳал мүрәжат етиўи;

-хабарды көрсетилген қатты диск (папка)ке жазыўы;

-администраторға теңлестирилген инженер ямаса басқа жуўапкер адамлардың рухсатысыз программалық тәмийнат ямаса басқа электрон ресурсдан нусқа алыўы;

-техника, мебел ҳәм басқа қурылмаларды абайлаўы.

14.2.  Пайдаланыўшы төмендеги ҳуқуқларға ийе:

-Жумыс ямаса оқыў процесси ушын компьютерге орнатылған програмалардан пайдаланыў;

-КЖО ямаса ОККларда пайдаланыў ушын рухсат етилген хабар ресурсларынан пайдаланыў;

-Жумыс ўақты, оқыў яки басқа жәмәәт хызметине тийисли ресурсларды администрация рухсаты ҳәм Институттиң (бөлимге) ажыратылған үлес(квота) шеңберинде Интернет тармағынан пайдаланыў;

-ОКК компьютерлеринде бос орын бар болған жағдайда инженер яки оқытыўшы рухсаты менен қосымша шуғылланыў мүмкин;

-Институттң тармақ хабар ресурсларын шөлкемлестириўде қатнасыў;

-ОКК ямаса КЖОда электрон ресурсларын киргизиў ҳәм пайдаланыў усынысын бериў.

14.3.  КЖО ямаса ОКК пайдаланыўшыларға төмендегилер қадаған етиледи:

-жумыс орнында яки аудиторияда үст кийимлер менен болыў;

-кийим ҳәм портфеллерди жумыс орнына қойыў;

-ханаға аўқат ҳәм ишимлик алып кириў;

-клавиатураға китап, дәптер ҳ.т.б.ларды қойыў;

-шегиў ямаса спиртли ишимликлер ишиў;

-қосылған монитор жанбасы ямаса арқасында болыў;

-кабеллерди жалғаў ямаса үзиў, басқа электр дереклери жалғанатуғын яки өтетуғын буйымларға тийиниў;

-компьютер қурылмасы орнын өзгертириў;

-системалы блок қурылмасын ашыў;

-аппарат жумысындағы насазлықларды ғәрезсиз шешиў;

-системалы блокдағы самаллатыў пәнжересин тосып қойыў;

-компьютердиң аппарат сазламасына өзгертириў киргизиў (клавиатура/мышьларды бир компьютерден басқасына өткериў ҳ.т.б.);

-клавиатураны күш пенен урыў, мақсетсиз клавишаларды басыў;

-басқалардың файлын өшириў яки басқа орынға көшириў;

-жумыс орынларында компьютер ойынларын орнатыў яки иске түсириў;

-Интернет тармағынан кеўилашар мақсетинде пайдаланыў(чатлар, түрли темадағы филмлер, бузғыншы темадағы бетлер ҳ.т.б.);

-администрация яки тийисли кәнигелер рухсатысыз программалық тәмийнат орнатыў;

-қатты дискге администраторға теңлестирилген инженер яки жуўапкер хызметкер рухсатысыз хабар жазыў;

-Институт ямаса ОКК серверин өшириў яки қосыў (егер ол ОКК яки КЖОда жайласқан болса).

 

15. Пайдаланыўшылар жуўапкершилиги

15.1.    Пайдаланыўшы айыбы менен ОКК қурылма истен шықса, оңлатыў ҳәм/яки қурылманы алмастырыў пайдаланыўшы есабынан әмелге асырылады.

Пайдаланыўшы өзи билген ҳалда жумыс ямаса оқыў процессин изден шығыўына себеп болатуғын ҳәрекетлерди әмелге асырса Институт ҳәкимшилиги қарары менен ОКК яки КЖОдан пайдаланыў ҳуқықынан айырылатуғын ҳәм ҳәкимшилик шара көриледи.

QABUL - 2018

НМПИ 2018-2019-оқыў жылы ушын ҚАБЫЛЛАЎ КОМИССИЯСЫНАН ТЕЗ МАҒЛЫЎМАТ АЛЫЎ ТЕЛЕФОНЛАРЫ 

(CALL  CENTER) 

(+99861) 229-40-93

(+99861) 229-41-03 

(+99861) 229-40-97 

Абитуриентлер ҳужжетлерин қабыл етиў 15-июндан-15-июлге шекем

Тест сы наўлары 1-августтан 15-августка шекем

Биринши смена 08:00

Екинши смена 15:00



Корпоратив почта

"Edu.uz" rasmiy kanali

Электрон таълим