Bo'lim haqida ma'lumot

Institutda marketing xizmati bo'limi O'zbekiston Respublikasi Vazirlar Mahkamasining 1998 yil 28 yanvardagi "Ta'lim xizmatlari ko'rsatish bozorini shakllantirishni va kadrlar tayyorlash sohasida marketingni jadallashtirish chora-tadbirlari to'g'risida"gi 48-sonli qaroriga asosan tashkil etilgan. Bo'lim hodimlari o'z ish faoliyatini yuqorida qayd etilgan Qaror hamda O'zbekiston Respublikasi Oliy va o'rta maxsus ta'lim vazirligining 2007 yil 10 martdagi "Oliy ta'lim muassasalarida marketing xizmati faoliyatini takomillashtirish, bitiruvchilarni ishga taqsimlash jarayoni nazoratini kuchaytirish chora-tadbirlari to'g'risida"gi 48-sonli buyrug'i bilan tasdiqlangan Namunaviy nizom asosida ishlab chiqilgan va institut rektori tomonidan 2007 yil 3 aprelda tasdiqlangan "Marketing xizmati bo'limi to'g'risida Nizom", O'zbekiston Respublikasi ta'lim muassasalariga qabul qilish bo'yicha davlat komissiyasi tomonidan 1999 yil 24 iyulda 3-son qarori bilan tasdiqlangan "O'zbekiston Respublikasi ta'lim muassasalarida to'lov-kontrakt shakli va tushgan mablag'larni taqsimlash tartibi to'g'risida"gi Nizom, shuningdek, Oliy va o'rta maxsus ta'lim vazirligi buyruqlari va ko'rsatmalari, institut rektorining buyruqlari asosida olib bormoqda.

    Marketing xizmati bo'limining asosiy funktsiyasi korxona va tashkilotlarning hamda respublika fuqarolarining ta'lim xizmatlari ko'rsatishga bo'lgan talablarini o'rganish va ular talabini to'la qondirishga bevosita ishtirok etish, shuningdek, institut va korxonalar o'rtasida aloqani rivojlantirish uchun amaliy tadbirlar ishlab chiqish.

    Institutning marketing xizmati bo'limi maqsadi ta'lim xizmatlari bozorida institut faoliyat ko'rsatishining aniq strategiyalarini ishlab chiqish va amaliyotga joriy qilish uchun bakalavriat yo'nalishlari va magistratura mutaxassisliklari bo'yicha kadrlar tayyorlash va ularni ishga taqsimlash jarayonini iste'molchilar (ish beruvchilar) tomonidan bo'lg'usi mutaxassis shaxsiga qo'yilgan talablarni bajarishga yo'naltirish hamda bu jarayonga rahbarlik qilish, reklama-axborotni rejalashtirish va uni olg'a siljitish rag'batini ta'minlash, bitiruvchilarni ishga taqsimlash va joylashtirishni amalga oshirish hamda ta'lim xizmatlari ko'rsatishga o'z vaqtida tayyorgarlik ko'rish, shartnomalar tuzishni tashkil qilish hamda nazoratga olishdan iborat.

Mazkur maqsadni amalga oshirish uchun bo'limda quyidagi asosiy vazifalar belgilangan:

• institutni tamomlayotgan bitiruvchilarni ish bilan ta'minlanishiga ko'maklashish, jumladan, O'zbekiston Respublikasi Prezidentining 2005 yil 2 iyundagi "2005/2006 o'quv yilida O'zbekiston Respublikasining oliy ta'lim muassasalariga qabul to'g'risida"gi Qaroriga ko'ra institutni davlat granti asosida tamomlayotgan bitiruvchilarni kamida uch yil ishlab berish sharti bilan, ta'lim muassasalari, korxona va tashkilotlarga ishga taqsimlash chora-tadbirlarini fakultet va kafedralar hamkorligida samarali amalga oshirish;
• respublikamizda faoliyat yuritayotgan ta’lim muassaslarning pedagog kadrlarga bo'lgan joriy va istiqboldagi ehtiyojlarini o'rganish hamda shu asosida institutda tayyorlanayotgan mutaxassislarga bo'lgan "buyurtmalar portfeli"ni doimiy kengaytirish va yangilash;
• institut bilan korxona va tashkilotlar o'rtasida kadrlar tayyorlash sohasidagi aloqalarni rivojlantirish uchun amaliy tadbirlar ishlab chiqish;
• institutda to'lov-kontrakt asosida ta'lim olayotgan talabalarning to'lov-kontrakt shartlarini to'lig'icha bajarishlarini hamda shartnomalar rasmiylashtirilishini yuridik jihatdan talabga javob berishini ta'minlash;
• ta'lim sohasida marketing xizmatini amalga oshirishda mavjud muammolarni aniqlash va ularni bartaraf etish yuzasidan takliflar ishlab chiqish va sh.k.
• Bitiruvchilarni ishga joylashtirish borasida amalga oshirilgan chora-tadbirlar va erishilgan yutuqlar:
• Marketing xizmati bo'limi tomonidan institut bitiruvchilarini ish bilan ta'minlanishiga ko'maklashish maqsadida keng qamrovli ishlar amalga oshirilmoqda, jumladan, birgina 2008-2009 o'quv yilida davomida amalga oshirilgan quyidagi tadbirlarni qayd qilish mumkin:
• bitiruvchilarni ishga joylashtirish borasidagi faoliyatini samarali amalga oshirish maqsadida bo'lim tomonidan rejadagi har bir tadbirni o'z vaqtida to'liq va sifatli bajarishga mas'ul bo'lgan xodimlar lavozimi, familiyasi, ismi-sharifi ko'rsatilgan holda "Bitiruvchilarni ishga taqsimlash jarayoni hamda yosh mutaxassislar mehnat faoliyati Nazorat rejasi" ishlab chiqildi va uning ijrosi ta'minlanmoqda;
• "Kadrlarni davlat granti asosida maqsadli tayyorlash tartibi to'g'risidagi Nizom" bo'yicha bitiruvchilar o'z majburiyatlari va huquqlarini bilishi hamda ularning mas'uliyatini oshirish maqsadida bo'lim tomonidan Davlat granti asosida tahsil olayotgan talabalarga bu borada keng qamrovli tushuntirish ishlari olib borilmoqda. Jumladan, fakultet dekanatlari hamkorligida har bir akadem guruhda mazkur masala yuzasidan davra suhbatlari tashkil etildi. Ushbu tadbirlarda bitiruvchi-talabalar o'zlarini qiziqtirgan savollariga javob oldilar;
• joriy o'quv yili bitiruvchilarining soni va xududiy tarkibini o'rganish hamda ularni ishga tartibli taqsimlash maqsadida bo'lim tomonidan bitiruvchilar to'g'risidagi ma'lumotlar bazasi shakllantirilgan;

 

BITIRUVCHI - 2011

GRANT VA KONTRAKT ASOSIDA BITIRUVCHILAR