«Ilim ha’m ja’miyet» jurnali

Hozirgi vaqtda Kadrlar tayyorlash va ta`lim sohasidagi davlat siyosatini amalga oshirish, Umumiy ta`lim tizimi uchun oliy ma`lumotli mutaxassislar tayyorlash, ma`naviy boy, milliy mustaqillik g`oyasi va umuminsoniy qadriyatlar asosida tarbiyalangan erkin, ijodkor insonni kamolga etkazish bosh maqsadimiz hisoblanadi.

Ilmiy tadqiqotlar bo`limi institutda ilmiy ishlarning ahvol i va salohiyati, uning rivojlanish dasturini xarakterlovchi ma`lumotlar monitoringini tashkil qilish, har bir kafedra va har bir ilmiy tadqiqotlarning natijalari reyting usulida aniqlanib, institut, kafedra va dekanatlarning ilmiy texnik ko`rgazmalari, ekspozitsiyalarini tashkil qilib borish, ilmiy seminarlar, konferentsiya va simpoziumlar o`tkazish rejalarini ishlab chiqish, ularning bajarilishini ta`minlash, professor-o`qituvchilarning ilmiy-texnik va o`quv metodik imkoniyatlaridan to`liq va samarali foydalanish, ularga zarur bo`lgan iqtisodiy, ijtimoiy-texnik sharoitlar yaratish ishlarini amalga oshiradi.

Respublikamizning xalqaro maydonda obro`sining oshib borishi, chet ellar bilan keng ko`lamdagi hamkorlik aloqalarini o`rnatib, bu aloqalarni yanada rivojlantirishga imkoniyatlar yaratdi. Ta`lim sohasida xalqaro aloqalarni yo`lga qo`yish, rivojlangan davlatlar tajribasini, ular amaliyotidagi ilg`or pedagogik tajribalarini o`rganish va mahalliy sharoitga tadbiq qilish, chet el investitsiyalarini ta`lim tizimida foydalanish, ta`lim-tarbiya samaradorligini oshirish, ta`lim muassasalarining bazasini rivojlantirishga qaratilmoqda. Shu maqsadda bir qator professor-o`qituvchilar xorijiy davlatlarda malaka oshirish kurslarida o`qib keldilar.

Institutda ilmiy-tadqiqot ishlari samaradorligini oshirishni yo`lga qo`yish, ilmga intiluvchan, iqtidorli talaba va magistrantlarga ilmiy rahbarlar belgilash, ularning bitiruv-malakaviy ishlari hamda magistrlik dissertatsiyalari mavzularini nomzodlik dissertatsiyasi darajasiga ko`tarish borasida sezilarli ishlar amalga oshirildi. Shuningdek, respublikamiz va xorijdagi oliy ta`lim muassasalari va ilmiy-tadqiqot institutlari bilan hamkorlik ishlarini tashkil qilish, O`zbekiston Respublikasi Fan va texnologiyalar Markazi ilmiy grant loyihalari tanlovida ishtirok etish va shu doirada ilmiy-tadqiqot ishlarini olib borib, akademik litsey, kasb-hunar kollejlari uchun yangi o`quv adabiyotlari avlodini yaratish ishlari amalga oshirilmoqda.

Institut profesor-o`qituvchilari va talabalarning ilm-fanga qiziqishini yanada oshirish maqsadida 1992 yil respublika miqyosida «Qaraqalpaqstan mug`allimi» jurnali tashkil qilindi. Bugungi kunda mazkur jurnal «Ilim hәm jәmiyet» («Ilm va jamiyat») nomi bilan tort tilda (qoraqalpoq, o`zbek, rus va ingliz tillarida) chop etilmoqda.