Bizning bitiruvchilar-O'zbekiston Qaxramonlari

     Allaniyoz O`teniyozov   1936 yili   1 iyunda Kegayli tumani Xalqabad   shirkatlar xo`jaligida “Do`stlik” bo`limida   dehqon oilasida tug`ildi. U 1956 yili Qoraqalpoq Davlat pedagogika   instituti xorij tillari   fakul`tetining   ingliz tili bo`limiga   o`qishga kiradi va uni 1962 yili muvaffaqiyatli tugatadi. Talabalik yillari paxta terimida qatnashib,   har yili 15-16 tonnadan ziyod paxta terishga erishadi. 1962-2002 yillari Nukus tumanidagi 4 sonli maktabda o`qituvchi bo`lib ishladi. Allaniyoz O`teniyozov   umrlik yo`ldoshi bilan birgalikda bir o`g`il, ikki qizni   tarbiyalab   voyaga etkazdi. 1954 yildan o`zining yozgi mehnat   ta`tili   vaqtini hayr-ehson ishiga bag`ishlab, kam ta`minlangan, nogiron va etimlarga uy qurib berish bilan shug`ullanadi. O`sha davrgacha 40 uy, 2ta maktab, 30 o`rinlik 2ta   bolalar boqchasi, 2 ta tibbiy xizmat o`rni, 1 ta kutubxona imoratini o`z mehnati bilan xolisona bitirib, xalqqa inom etdi. 2000 yili 15 gektar moydonga bog` yaratdi. Allaniyoz O`teniyozovning mehnatlari   yuqori   bohalanib   “O`zbekiston xalq   o`qituvchisi”,  “Qoraqalpog`istonga mehnati singan o`qituvchisi”, “O`zbekiston   selektsioneri” hurmatli unvonlari berildi va   u “Mehnat   shuhrati” ordeni bilan   mukofatlandi. Allaniyoz O`teniyozov haqida   uchta   kinofil`m yaratildi. Allaniyoz O`teniyozovning mehnatlari Ginnes “Rekordlar   kitobi”ga   yozildi. Allaniyoz O`teniyozovga 2001 yili “O`zbekiston Qahromani” xurmatli unvoni berildi.

Tulepbergan Qaipberganov 1929 yili 7 mayda Kegayli tuman   “Sho`rtanboy” qishlog`ida tug`ilgan. 1947 yili Xo`jayli pedagogika bilim yurtini, 1955 yili Qoraqalpoq davlat pedagogika instituti rus tili va adabiyoti fakul`tetini muvaffaqiyatli bitiradi.   So`ng   “Amudaryo” jurnalining   adabiy xodimi, katta redaktori. Qoraqalpog`iston radiosi   mudiri muovini, Respublika gazetalarida bosh redaktor, Qoraqalpog`iston Respublikasi matbuot qo`mitasi mudirining   muovini lavozimlarida faoliyat olib boradi. 1980 yildan shu vaqtgacha Qoraqalpog`iston yozuvchilar uyushmasi mudiri bo`lib   ishlayabti. To`lepbergan Qaipberganovning birinchi kitobi   1958 yorug` ko`rdi. Usha vaqtdan boshlab o`sha kungacha uning 89 ta kitobi qoraqalpoq, o`zbek, rus   va boshqa tillarda bosmadan nashr etildi. Tulepbergan Qaipberganovning   asarlari yuqori baholanib, O`zbekiston va Qoraqalpog`iston xalq yozuvchisi faxriy unvoni berildi. U Qoraqalpog`iston   Respublikasi Berdaq nomidagi, O`zbekiston Respublikasi   Qashqariy va   M.Sholoxov nomidagi   xalqaro mukofotlarining laureati. To`lepbergan Qaipberganovga 2003 yili “O`zbekiston Qahramoni” faxriy unvoni berildi.

Ibragim Yusupov 1929 yili 5 may kuni Chimboy shirkat   xo`jaligi   “Ozod” qishlog`ida dunyoga keldi. Uning otasi   diniy arbob sifatida qatog`anga uchrab, qamoqda vafot etadi. Onasi Xanbiybi ikki o`g`il, to`rt qizni beva holatida kamolga keltirgan. Ibragim Yusupov   13 yoshidan mehnat qilish gardishiga tushadi. 1945-1949 yillari Qoraqalpoq davlat pedagogika instituti talabasi,   1949-1962 yillari institutning adabiyot fani o`qituvchisi, 1961-1962 yillari   “Amudaryo” jurnali redaktori. 1962-1965 yillari Ilmiy   kotib, 1965-1980 yillari Qoraqalpog`iston yozuvchilar uyushmasi raisi, 1980-1988 yillari xozirgi “erkin Qoraqalpaqstan” gazetasining bosh redaktori, 1988-1994 yillari Qoraqalpog`iston tinchlik qo`mitasining raisi, 1994-2000 yillari Qoraqalpog`iston   “Ma`rifiy   madaniyat va   ma`naviyat” ijtimoiy markazining raisi   vazifasida ishladi. Ibragim Yusupov O`zbekiston   va Qoraqolpog`iston   xalq           shoiri. Uning asarlari bir qancha tillarda Chop eitlgan. Ibragim Yusupovga 2004 yili   “O`zbekiston Qaxramoni” hurmatli unvoni berildi.

Vera   Borisovna Pak Oliy Majlis deputati, Senat a`zosi.  Xivadagi №20-sonli mehribonlik uyining direktori. Vera Borisovna Pakga 2006 yili «O`zbekiston Qahramoni» hurmatli unvoni berildi

G`ayratdin Xo`janiyozov   1948 yili 12 dekabrda Qaro`zak tumanida tug`ildi. 1972 yili Qoraqalpoq davlat   pedagogika institutini   bitirib, O`zbekiston Fanlar Akademiyasining   Qoraqalpog`iston   filiali, N.Davqoraev nomidagi   tarix, til va adabiyot institutining arxeologiya sektorida   mehnat yo`lini boshladi. Lomonosov nomidagi Moskva universitetida so b iq itiffoq   Fanlar Akademiyasining   arxeologiya institutida (1974-1977) tajribasini orttirdi. 1981-1984 yillari aspiranturada uqiydi va 1996 yili nomzodlik dissertatsiyasini himoya   qiladi. 2000   yildan buyon akademiyaning   arxeologiya   bo`limini boshqarib kelmoqda.

G`ayratdin Xo`janiyozov    130 ta ilmiy, 100 dan ko`p ilmiy-jamoatchilik ishlarning muallifi. Shu jumladan: “Istoriya razvitiya fortifikatsii   antignogo xorezma”   (SA,M, 1981, №2);   Kul`tova-pogrebal`nыe pamyatniki   Karakalpakov XVII-XIX vekov po materialam mogil`nika Krantau. Rabochie dokument ы IeFAK, №13 ( Tashkent, 2005) nomli   maqola, “Daukesken-Vazir ( Istochniki, topografiya i xronologiya )” (Nukus, 1997); “ The military architecture of   ancient   Chorasmia (6^th century   BC-4^th century AD) ” (Parij, 2006); “Qadimgi Xorazm mudofa inshoatlari” ( Toshkent, 2007) nomli monografiyalari, ilmiy asarlari bor. G`ayratdin Xujaniyozovning fanga   qo`shgan   mehnati yuqori baholandi. 2001 yili   “O`zbekiston   Mustaqilligining 10 yilligi”   estalik   nishoni,   2003 yili “Mehnat shuhrati”   ordeni bilan   mukofotlandi. G`ayratdin Xujaniyozovga   2008 yili   davlatimizning   eng   yuqori   “O`zbekiston Qahramoni” unvoni berildi.