Xarakatlar strategiyasi test

Электронная библиотека

Законодательная база

Международные проекты

Нийетлери қос байрамға уласқан дәргай

Ақ кеўил, кең пейил ана киби баўырын ийип, бары-жоғын төгип шашып берип атырған сақый гүздиң кирип келиўи кеўиллерге өзгеше заўық инам етеди. Сары рең сағыныштың символы сыяқлы кеўиллерди толқытып тур. Жер бетин қаплап турған сарғыш жапырақлап сағынышқа толы кеўиллерге мәлҳәм бергендей. Жапырағын төгип салып , шақалары самал менен тербелген тереклер ҳәр биримизге қушағын ашып «Хош келипсизӘ» деген яңлы сырлы қарас еткендей, ал жанға жағымлы самал ана алақаны киби шашымызды сыйпалап қәдемимизге гүллер төсеп атырған сыяқлы.








4-сентябрь. Институттың бас бинасы. Өзгеше сән-салтанатқа ийе көринис, әжайып безелиўлер менен декорациялар көрген көзди өзине тартып, гөззаллық әлеми сыяқлы шырайлы түс алған. Бүгин институттағы мына көринистен балаларын сағынып, баўырына басып атырған ана келбетин көргендей болдым. Барлығы бирдей аппақ формада сапқа дизилип, студент болдым деп қуўанып, қуўанышларын кеўиллерине сыйдыра алмай турған, дәргайға енди қәдем қойып атырған студентлердиң қуўанышларын айтпайсыз баӘЎ Бул мәўритлер ҳешқашан умытылмайды, қайталанбайды да.

Өзбекстан Республикасының 26 жыллығына арналып «Пидайың болғаймыз сениң, Өзбекстан» сүрени астында Ғәрезсизлик байрамы ҳәм билимлер күни мүнәсибети менен шөлкемлестирилген байрам кешесин институт ректоры Қ.Оразымбетов ашты ҳәм институт жәмәәтин, оқыў дәргайына жаңа қәдем қойып атырған студент жасларды шын кеўилден қутлықлап, ғәрезсизлик жылларында ерисилген табыслар, илим ҳәм билимлендириў тараўындағы санап болмас дәрежедеги жетискенликлер ҳаққында айтып, өз тилеклерин билдирди. Буннан соң институттың руўхыйлық ислери бойынша проректоры Қ.Қодиров шығып сөйлеп, бәршемиз ушын ең уллы, ең әзиз болған Ғәрезсизлик байрамы менен қутлықлап, күн сайын жамалы жасарып атырған елимизде белгиленип атырған уллы байрам мүнәсибети менен қатнасыўшыларды шын кеўилден қутлықлады.

Кейин Қарақалпақстан Республикасы Руўхыйлық үгит-нәсият орайы баслығы Ш.Аяпов, Қарақалпақстан Республикасы Жазыўшылар аўқамы баслығы К.Кәримов, академик Ж.Базарбаев ҳәм бир қатар мийманлар сөз алып, жасларға қаратылған ҳеш бир мәмлекетте ушыраспайтуғын бундай ғамқорлықлар, имканиятлардың жаратылыўы бул бизиң ҳәр биримиз ушын бахыт есигиниң ашық екенлигин аңлатады деп атап өтти.

-Усыншама итибар, усыншама имканият бул бурын көрилмеген дәрежедеги өзгерислер екени анық. Перзентимниң усындай оқыў орнына кирип, билим алатуғынынан жүдә қуўанышлыман. Усы жаслар қатарында мениң қызымның да турғаны-мен ушын үлкен бахыт. Ата-ана ушын бул үлкен мақтаныш екен. Мен бүгин институт жәмәәтине, педагогларына, оқыўға кирип қуўанып атырған студент жасларға тилегим, олар ҳәмийше ел ардағындағы инсанлар болғай. Аспанымыз ашық болып, елимиздиң телеги дәнге толғай. Перзентлеримиз берген тәрбиямызды, аппақ нийетлеримизди ардақлап ойлағанымыздан да зияда перзентлер болып жетилискей,- деп ақ пәтияға қол жайды Камал аға Палымбетов пенен ушырасқанымызда. Аўмийин, ағамыздың тилеклери ҳәр биримизге мәдет болсын- дедим мен де, қәлбимдеги ерксиз пайда болған толқыўымды тоқтата алмай.

    Байрам қутлықлаўларынан соң, тест сынақларында ең жоқары балл топлап институтқа қабыл етилген студент жасларға талабалық гуўалығы ҳәм рейтинг дәптершесин тапсырыў мәресими болды. 1-курс студентлери оқыў орны қағыйдаларына садықлығын билдириў мақсетинде «Ант» қабыл етти. Кеше соңында «Тумарис» қосық ҳәм аяқ ойын халық ансамбли ҳәм институттың талантлы студент жаслары тәрепинен концерт бағдарламасы қойып берилди.

  Келешегинен үмит күттиретуғын бүгингидей озық ойлы илим билимге жаны қумар жасларымыздың алдағы оқыўларында талмас күш жигер, табыс тилеп қаламыз.

А.Төребекова


Стратегия действий

ТАЛАБАЛАР КОНФЕРЕНЦИЯСИ

2017-жыл 1-декабрь күни Өзбекстан Республикасы Конституциясы қабыл етилгенлигиниң 25 жыллығына бағышланып Ташкент мәмлекетлик юридика университетинде студентлердиң илимий-әмелий конференциясына өткериледи. НМПИ студент-жаслары илимий тезислери менен қатнасыўы ушын тәжирийбели педагог-хызметкерлер менен биргеликте тезислердиң таярлап жибериўиңизге болады. Конференция қатнасыўшыларының илимий тезислериниң мазмунлы ҳәм сыпатын көрип шығыў ушын илимий бөлим арқалы жибериледи. Конференцияда қатнасыўшы студентлердиң жол ҳәм сапар қәрежетлери институттың бюджеттен тысқары қәрежетлери есабынан қапланады. Толық мағлыўматты көширип алыў

Ахборот хаты

Рахбарнинг виртуал қабулхонаси

Электрон таълим

Абитуриентлар диккатига

Институтга хужжат топшириб ўқишга кира олмаган булсангиз, хужжатни кайтариб олишга онлайн ариза бериш