Дағаза

Харакатлар стратегиясидан тест

Электрон китапхана

Нызамшылық базасы

Халкаро лойихалар

Волейбол бойынша ерлер арасында институттың ашық кубоги болып өтти

  АШЫҚ ТУРНИР

«Халық пенен пикирлесиў ҳәм инсан мәплери жылы»на бағышланып спорттың волейбол түри бойынша ерлер арасында институттың ашық кубоги болып өтти. Қызықлы болып өткен жарыс жуўмағы бойынша Қарақалпақ мәмлекетлик университетиниң командасы 1-орынды, Ишки ислер министрлигиниң командасы 2- орынды ийелесе, Институт командасы 3-орын менен шекленди.



Сондай-ақ, қызғын беллесиўлерге бай болып өткен жарыс нәтийжеси бойынша «Ең жақсы ойыншы» номинациясы ҚМУдың студенти Р.Машариповқа, «Ең жақсы либерал ойыншы» номинациясы НМПИ студенти Ф.Садуллаевқа, «Ең жақсы ҳүжимши» номинациясы Ишки ислер министрлигиниң хызметкери Ш.Еденбаевқа ҳәм «Ең жас ойыншы» номинациясы Нөкис олимпия резервлери колледжиниң оқыўшысы Н.Ергашовларға берилди. Жеңимпазлықты ҳәм сыйлы орынларды ийелеген командалар, сондай-ақ, номинация жеңимпазлары институттың Футбол спорт клубы тәрепинен арнаўлы дипломлар ҳәм баҳалы саўғалар менен сыйлықланды.

Айнура Жумабаева, Дене мәденияты факультетиниң студенти.