Дағаза

Харакатлар стратегиясидан тест

Электрон китапхана

Нызамшылық базасы

Халкаро лойихалар

«Бердақ мәнаўятымыз гүлтажы»

Усы жылы 7-ноябрь күни институттың киши мәжлислер залында уллы шайыр ҳәм ойшыл Бердақ Қарғабай улының 190-жыллық юбилейине арналған семинар болып өтти. Оған институттың профессор оқытыўшылары ҳәм студент жаслары қатнасты. Семинарды институттың илимий-изертлеў ҳәм илмий педагог кадрларды таярлаў бөлими баслығы И.Қунназаров ашты ҳәм басқарып барды. Семинарға академик Жуманазар Базарбаев «Бердақ мәнаўятымыздың гүлтажы» атамасындағы баянаты менен қатнасып, Қарақалпақ халқының поэзиясының байтереги есапланған Бердақ шайырдың еле толық изертленбеген шығармаларының бар екенлигин ҳәм өткен совет ҳүкимети дәўиринде уллы шайырдың өмири ҳаққында жалған мағлыўматлар берилип, бул жағдай пүткил халық атына дақ түсириў менен барабар болғанлығын атап өтти.



Бердақ шайыр қарақалпақ классикалық әдебиятымыздың бийик шыңы екенлигин, ол халықшыл шайыр болып, өз шығармалары арқалы халықтың арын арлап, олардың жарқын келешеги ушын сөзди қурал еткен шайыр болғанлығын, жазған шығармаларының орнының жоқары екенлигин атап өтти. Семинар барысында оқылған баянат бойынша семинар қатнасыўшылары өзлерин қызықтырған сораўларына жуўаплар алды.

 

Абатбай Тажибаев-НМПИ газетасы арнаўлы хабаршысы