Talabalar turar jayında jasawshı studentler arasında ta`rbiyalıq jumıslardı alıp barıw ha`m olardın` jasaw sharayatların jaqsılaw boyınsha islenip atırg`an jumıslar haqqında mag`lıwmat

Ha`zirgi waqıtta institutta bir talabalar turar jayı bar bolıp, ol 275 orıng`a mo`lsherlengen ha`m de talabalar turar jayında 215 student-qızlar jasamaqta. Sonnan, Filologiya fakul`tetinen 42, Qaraqalpaq tili ha`m a`debiyatı fakul`tetinen 46, Ta`biyattanıw fakul`tetinen 78, Tariyx fakul`tetinen 26, Dene ta`rbiyası fakul`tetinen 14, Baslawısh ta`lim fakul`tetinen 3, Shet tilleri fakul`tetinen 1 ha`m magistratura bo`liminen 3 student-qızlar jasap atır.

Talabalar turar jayındag`ı sha`rt-sharayatlar, ruwxıy-ag`artıwshılıq ha`m ta`rbiyalıq jumıslardı O`zbekstan Respublikası Joqarı ha`m orta arnawlı bilimlendiriw ministrligi ta`repinen islep shıg`ılg`an is-ilajlar rejesi tiykarında Ruwxıylıq ha`m a`dep-ikramlılıq ta`rbiya bo`limi, fakul`tetler, Informatsiyalıq resurs orayı ha`m institut ja`miyetlik sho`lkemleri bolg`an Hayal-qızlar ken`esi, Ka`siplik awqamı, «Kamolot» j.j.h. baslang`ısh sho`lkemi, sonday-aq, «Sport futbol klub», «Ibn-Sino» salamatlıq orayı, «Ustaz sha`kirt» ken`esi ta`repinen a`melge asırılmaqta.  

Bunnan tısqarı, Talabalar turar jayında O`zbekstan Respublikası Joqarı ha`m orta arnawlı bilimlendiriw ministrliginin` 2006-jıl 17-yanvardag`ı «Talaba (oqıwshı) lar turar jayı iskerligine baylanıslı jan`a baspadag`ı normativlik xu`jjetlerdi tastıyıqlaw haqqında»g`ı 11-sanlı buyrıg`ı tiykarında institut professor-oqıtıwshılarının` na`wbetshiligi, pasport dizimi ha`m de kiriw-shıg`ıwlar ta`rtibinin` u`zliksiz ra`wishte a`melge asırılıwı ta`miyinlenbekte. Studentlerdin` talabalar turar jayına kirip-shıg`ıwları ushın propuskalar menen tolıq ta`miyinlengen.

Talabalar turar jayında professor-oqıtıwshıları ta`repinen keshki saat 18<sup>00</sup>-22<sup>00</sup> ge shekem na`wbetshilikler sho`lkemlestirilgen. O`zlerinin` na`wbetshilikleri waqtında professor-oqıtıwshılar ha`r qıylı ta`rbiya temalarında Talabalar turar jayında jasawshı studentler menen sa`wbetlesiwler, gu`rrin`lesiwler o`tkerilip barılıp, olar o`z waqtında hu`jjetlestirilip barılmaqta. Sonday-aq, milliy ham tag`ı basqada bayramlar waqtında Talabalar turar jayında u`zliksiz na`wbetshilik sho`lkemlestirilip barılmaqta. Bunnan tısqarı, Talabalar turar jayı ha`m institut aymag`ında ta`rtip-intizamdı ta`miyinlew maqsetinde a`skeriy usınısnamalar tiykarında oqıwg`a kirgen studentlerden du`zilgen pasbanlar toparı ag`zalarınan ha`m na`wbetshilikler sho`lkemlestirilip barıldı.

Talabalar turar jayında Filologiya, Qaraqalpaq tili ha`m a`debiyatı ha`m de Ta`biyattanıw fakul`tetinin` kafedraları ku`nleri o`tkerilip kelinbekte. Kafedra ku`nlerinde professor-oqıtıwshılar studentler menen a`debiy kesheler, shayır-jazıwshılardın` a`debiy do`retiwshiligine baylanıslı sa`wbetlesiwler ha`m ha`zirgi ku`nnin` global mashqalaları haqqında o`z-ara pikir alısıwlar o`tkerilip, studentlerdin` bir qansha mag`lıwmatlarg`a iye bolıwına eristi, sonday-aq studentlerdin` bos waqıtlarının` mazmunlı o`tiwin ta`miyinledi.  

O`zbekstan Respublikası Joqarı ha`m orta arnawlı bilimlendiriw ministrliginin` 2011-jıl 4-marttag`ı «Talabalar turar jayı jag`dayın u`yreniw haqqındag`ı» 87-sanlı buyrıg`ı tiykarında institutımızda 2010-2011-oqıw jılı dawamında a`melge asırılatug`ın ruxıy-ag`artıwshılıq jumıslar   rejesine muwapıq ha`m institut rektorının`   2011-jılı 25-mart ku`ni 109 D/1-sanlı   buyrıg`ı shıqtı. Usı buyrıqqa tiykarlanıp Talabalar turar jayında «En` jaqsı qabat»   ha`m «En` jaqsı xana» ko`rik-tan`lawı o`tkerildi. 1. Ko`rik-tan`lawdın` juwmag`ı boyınsha talabalar turar jayının` 4-qabatı «En` jaqsı qabat» dep tabıldı ha`m Ka`siplik awqamı ta`repinen bir dana televizor menen sıylıqlandı.

Tan`lawda    «En` jaqsı xana»   nominatsiyası boyınsha:

-birinshi orın 4-qabattan 406-xana. Turg`ınları (Ta`biyattanıw fakul`tetinin` 3-kurs studentleri Ko`mekbaeva Gulnaz, Qurbanbaeva Marjan, Qarlıbaeva Mayra) iyeledi.

-ekinshi orın 3-qabattan   314-xana. Turg`ınları (Qaraqalpaq tili ha`m a`debiyatı fakul`teti 2-kurs studentleri Ta`jetdinova Pa`rwaz, Ta`jetdinova Rabiybi, Turg`anbaeva Gulparshın) iyeledi.

-u`shinshi orın 2-qabattan 220-xana. Turg`ınları (Filologiya fakul`tetinin` 3-kurs studentleri Kazakova Anora, Avezova Dilafruz, Qurbanbaeva Fazilat) ha`m 3-qabattan 319-xana. Turg`ınları (Tariyx fakul`tetinin` 2-kurs studentleri Qadirova Gulnaz, Qadirova Shaxodat) jen`impaz dep tabıldı. Jen`impazlarg`a Ka`siplik awqamı ta`repinen qımbat baxalı sawg`alar tapsırıldı.

2011-jıl 4-mart ku`ni Talabalar turar jayı qızları arasında «Qa`nekey, qızlar» ko`rik-tan`lawı o`tkerilip, tan`law son`ında Ta`biattanıw fakul`teti birinshi, Filologiya fakul`teti ekinshi ha`m Qaraqalpaq tili ha`m a`debiyatı fakul`teti u`shinshi orındı iyeledi.

Sonday-aq, 2011-jıl 13-aprel` ku`ni Talabalar turar jayı qızları menen «Pedagogika va psixologiya» kafedrası professor-oqıtıwshıları ha`m magistrantlar ta`repinen «Ekologiya ha`m insan» temasında student-jaslar menen seminar-trening   o`tkerildi. Seminar son`ında studentlerge S D disk qoyıp berildi.

Talabalar turar jayında jasawshı talabalar ushın institut ta`repinen jeterli da`rejede imkaniyat ha`m qolaylıqlar jaratılg`an. Ma`selen Institut ma`limleme orayının` talabalar turar jayındag`ı filialına ja`mi 3 xana ajratılıp, ol jerge 7 komp`yuter qoyıldı. Komp`yuterlerge lektsiya tekstleri ha`m tag`ı basqa da mag`lıwmatlar kiritilgen bolıp, studentler sabaqqa tayarlanıw barısında olardan ken` tu`rde qollanbaqta. Talabalar turar jayındag`ı ma`limleme-resurs orayı filialına gazeta-jurnallar o`z waqtında jetkerilip barılmaqta. Sonın` mene birge jan`a kitaplardın` prezintatsiyası, kitap oqıwshılardın` konferentsiyası sho`lkemlestirilip barıladı. Ma`limleme-resurs orayı filialının` jumıs islew waqtı keshki saat 18⁰⁰ - 22⁰⁰ g`a shekem.

Studentler arasında salamat turmıs ta`rizin u`git-na`siyatlaw maqsetinde du`zilgen «Ibn Sino salamatlıq» orayı talabalar turar jayında jaylasqan bolıp, ol jerde den sawlıq, SPID ha`m narkomaniyag`a qarsı gu`resiw, reproduktivlik salamatlıq, o`tkir respirator viruslı infektsiyalar ha`m gripptin` aldın alıw, nekeden aldın meditsinalıq ko`rikten o`tiwdin` a`hmiyeti, jaslar arasında erte ha`m ag`ayinler arasında nekeden o`tiwdin` aldın alıw, hayal-qızlar salamatlıg`ı haqqında mag`lıwmatlar berip barıladı. «Ibn Sino salamatlıq» orayı ta`repinen oqıw jılı dawamında talabalar turar jayı studentleri menen 12 ret sa`wbetlesiw ha`m ushırasıwlar sho`lkemlestirldi.

Talabalar turar jayında «Ata-analar xanası» sho`lkemlestirildi. Ol jerde o`z perzentin ko`riwge kelgen ha`r bir ata-ananın` dem alıwları ushın jeterli da`rejede imkaniyatlar jaratılg`an. Sonday-aq ata-analar xanasına 1 televizor qoyılg`an.

Sonın` menen birge, talabalar turar jayında «Sheber qollar», «U`y biykesi», «Intellektual ring» do`gerekleri islep tur. Ol jerde studentler tigiwdi, awqat ha`m ha`r qıylı salat, tortlardı pisiriwdi u`yrenip barmaqta. «Intellektual ring» do`gereginde studentler o`zlerinin` aqlıy mu`mkinshiliklerin rawajlandırıp baradı.

Bundan tısqarı, talabalar turar jayında kishi sport zalı bar bolıp, ol jerde student-qızlar tennis penen shug`ıllanıp, o`zlerinin` den-sawlıqların bekkemlewde juwırıw u`skenelerinen paydalanbaqta.

Studentlerdi ha`r ta`repleme rawajlang`an, ruwxıy jaqtan jetik insanlar etip ta`rbiyalawda ruwxıylıq xanalarının` ornı ju`da` a`hmiyetli. Sonlıqtan da talabalar turar jayındag`ı ruwxıylıq xanası zaman talabı da`rejesinde bezetilgen. Ol jerde milliy ma`nawiyatımızg`a baylanıslı ha`r qıylı sa`wbetlesiwler o`tkerilip barılmaqta. Ruwxıylıq xanasına televizor ha`m gazeta-jurnallar menen tolıq ta`miyinlengen ha`m ma`nawiyatımız ma`selelerine arnalg`an bannerler islengen.

Talabalar turar jayının` ha`r bir qabatında televizor ha`m xolodil`nikler bar bolıp, olardan studentler tolıq paydalanbaqta.

Talabalar turar jayındag`ı studentler taza pasteller menen ta`miyinlenip, olar o`z waqtında almastırılıp barılmaqta. Studentler ushın juwınıw xanalarında ıssı ha`m suwıq suwlar o`z waqtında ag`ıp tur. Sonday-aq basqada paydalanıw xanaları sanitariya-gigiena talaplarına tolıq juwap beredi.

Talabalar turar jayına ja`mi 6280860 sumlıq dorojka, kavralan, utyug, utyug basıw taxtası, tu`ngi jarıtqıshlar (svetil`nik) ha`m tag`ı basqa zatlar satıp alındı.

Talabalar turar jayındag`ı jasawshı studentler menen professor-oqıtıwshılardın` O`zbekstan Respublikası G`a`rezsizlik bayramına,   O`zbekstan ha`m Qaraqalpaqstan Respublikaları Ma`mlektelik tili haqqında «Ana tilimiz-milliy qa`diriyatlarımız aynası» temasında sa`wbetlesiwleri, 17-noyabr` Xalıqaralıq studentler ku`nine bag`ıshlang`an «Biz ha`m XXI a`sr jasları» temasında kesheleri, O`zbekstan ha`m Qaraqalpaqstan Respublikaları Konstitutsiyaları ku`nlerine baylanıslı  «Konstitutsiya-tiykarg`ı Nızamımız» temalarında, 2010-jıl «Barkamal a`wlad jılı», 2011-jıl «Kishi biznes ha`m isbilermenlik jılı» ma`mleketlik bag`darlaması boyınsha qa`nigeler ha`m jaslar menen ushırasıwlar o`tkerildi. Sonday-aq huqıqbuzarlıq ha`m ta`rtipbuzarlıqtın` aldın alıwg`a, adam sawdasına, diniy ekstremizm ha`m terrorizmge qarsı gu`resiw ha`m onın` aldın alıwg`a qaratılg`an sa`wbetlesiwler o`tkerilip barılıp, tiyisli mag`lıwmatnama formasında toltırılıp, bir danası talabalar turar jayında bir danası oqıtıwshılarg`a berildi. Jıl dawamında professor-oqıtıwshılardın` reytingin anıqlang`anda usı mag`lıwmatlar qosa esaplanadı.       

O`zbekstan Respublikası Joqarı ha`m orta arnawlı bilimlendiriw ministrliginin` 2009-jıl 9-iyun`dag`ı «Joqarı oqıw orınları talabalar turar jaylarındag`ı jag`daylardı u`yreniw na`tiyjeleri haqqında»g`ı 195-sanlı buyrıg`ı tiykarında institutta 2009-jıl 10-iyun` ku`ni 201-sanlı buyrıq shıg`arıldı. Usı buyrıq tiykarında talabalar turar jayına kirip-shıg`ıw boyınsha kadag`alaw jumısları ele de ku`sheytildi. Talabalar turar jayı aymag`ında abadanlastırıw jumısları alıp barıldı. Sonday-aq institut rektorının` ayına bir ret, prorektorlardın` ayına eki ret, fakul`tet dekanlarının` ha`ptesine bir ret ha`m fakul`tet dekanlarının` ruwxıylıq ha`m a`dep-ikramlılıq ta`rbiya jumısları boyınsha orınbasarlarının` ku`nine bir ret talabalar turar jayınan xabar alıwının` kestesi islep shıg`ıldı ha`m de rektor, prorektorlar ushın o`z aldına, dekanlar ha`m dekan orınbasarları ushın o`z aldına ra`smiylestiriw jurnalları qoyıldı.

Talabalar turar jayında jasawshı talabalar menen a`tiraptı ba`ha`rgi ko`klemzarlastırıw isleri qolg`a alındı. Olar arasında ku`ndelikli turmıs a`debin saqlaw, ma`mleketlik buyımlarg`a ıqtıyatlıq penen qatnas jasaw, tazalıqtı-azadalıqtı o`mirdin` mazmunı dep biliw, so`ylesiw a`debi tuwralı tu`sinikler ken` tu`rde ju`rgizilmekte. Sonday-aq texnika qa`wipsizligin saqlaw, o`rt qa`wpinin` aldın alıw, elektor tog`ınan, gazden paydalanıw boyınsha tu`sinik jumısları alıp barıldı.

Mine usınday jaratılg`an jaqsı sharayatlarg`a baylanıslı jıldan-jılg`a Talabalar turar jayında jasawg`a talaban studentlerdin` arzalarının` sanı artıp barmaqda. A`lbette, bul ma`seleni biz unamlı sheshemiz dep isenemiz .