Normativ hu'jjetler

1. A`jiniyaz atındag`ı No`kis ma`mleketlik pedagogikalıq institutının` ishki ta`rtip qag`ıydası

Qag`ıyda O`zbekstan ha`m Qaraqalpaqstan Respublikaları konstitutsiyaları, O`zbekstan Respublikası miynet kodeksi, «Bilimlendiriw haqqında»g`ı nızam talaplarına ha`m instituttın` ustavına tiykarlanıp islep shıg`ıldı.

Ishki ta`rtipnin` maqseti – miynetti u`lgili tiykarda sho`lkemlestiriw, jumıs waqtınan unemli paydalanıw, oqıw ha`m jumıstın` na`tiyjeliligine erisiwden ibarat.

Usı ishki ta`rtip qag`ıydaları menen baylanıslı ma`selelerdi instituttın` rektoratı o`zine berilgen huqıq shen`berinde, ayırım ma`selelerdi ka`siplik awqamı menen birgelikte yaki kelisilgen halda sheship baradı.

Ishki ta`rtip qag`ıyda to`mendegi ba`ntlerdi o`z ishine aladı.:

- ulıwma qag`ıydalar;

- xızmetker ha`m bilim alıwshılardın` huqıq ha`m minnetlemeleri;

- oqıw ha`m dem alıw waqtın ta`rtipke salıw talapları;

- intizamlı ta`sir sharaları;

- talabalardın` oqıw ha`m ja`miyetlik jumıslardag`ı jetiskenlikleri ushın xoshametlew;

- miynet mu`na`sibetleri;

- miynet intizamın ta`miyinlew ha`m juwapkershilik;

- bina ishindegi ta`rtip;

Instituttın` ishki ta`rtip qag`ıydası instituttın` 2011-jıl 29-aprel` (Protokol №7) ku`ngi Ilimiy Ken`es ma`jilisinde tastıyıqlandı.

2. A`jiniyaz atındag`ı No`kis ma`mleketlik pedagogikalıq institutına kelip tu`sken hu`jjetlerdin` orınlanıw ta`rtibi

O`zbekstan Respublikası Prezidenti pa`rmanları, biylikleri ha`m tapsırmaları, sonday-aq, O`zbekstan Respublikası Ministrler Kabinetinin` qararların a`melge asırılıwın, Ministrler Kabinetinin` 1999-jıl 12-yanvardag`ı 12-sanlı «Atqarıw ta`rtibin bekkemlew is-ila`jları haqqında»g`ı qararı, Xalıq bilimlendiriw minisrliginin` 2011-jıl 29-yanvardag`ı 2-s.x sanlı Kollegiya qararı tiykarında islep shıg`ılg`an Reglamentinde belgilengen ta`rtip-qag`ıydalarg`a tiykarlang`an halda a`melge asırıladı.

Bunda institutqa kelip tu`sken barlıq hu`jjetlerdi qabıllaw ha`m orınlaw ta`rtibi o`z sa`wlesin tapqan.

3. A`jiniyaz atındag`ı No`kis ma`mleketlik pedagogikalıq institutında puqaralardın` jazba ha`m awızeki o`tinishleri menen islesiw boyınsha ko`rsetpe

Ko`rsetpe O`zbekstan Respublikası «Puqaralardın` o`tinishleri» haqqındag`ı Nızam, 1999-jıl 12-yanvardag`ı «Atqarıw ta`rtibin bekkemlew haqında»g`ı 12-sanlı, O`zbekstan Respublikası Ministrler Kabinetinin` 1999-jıl 29-marttag`ı «O`zbekstan ma`mleketlik ha`kimiyatı basqarıw organlarında is ju`ritiwdi qadag`alawdı sho`lkemlestiriw boyınsha normativ hu`jjetlerdi tastıyıqlaw haqqında»g`ı 140-sanlı Qararları ha`m Joqarı ha`m orta arnawlı bilimlendiriw ministrliginin` 2008-jıl 30-aprel` ku`ngi «O`zbekstan Respublikası JOABMde puqaralardın` jazba ha`m awızeki o`tinishleri menen islesiw ta`rtibi haqqında»g`ı Nızamdı tastıyıqlaw haqqındag`ı 115-sanlı buyrıg`ı ha`mde Xalıq bilimlendiriw ministrliginin` 2011-jıl 29-yanvar` ku`ngi «Xalıq bilimlendiriw ministrliginin` jan`adan basıp shıg`arılg`an Reglamentin tastıyıqlaw haqqında»g`ı 2-SX-sanlı Kollegiya qararının` 3-qosımshasına muwapıq islep shıg`ıldı.

Ko`rsetpe ulıwma qag`ıydalar, tiykarg`ı tu`sinikler, puqaralardı qabıllaw, puqaralardın` o`tinishlerin qadag`alaw ha`m analizlew usag`an ba`ntlerden ibarat.

Usı ko`rsetpe 2011-jıl 29-aprel` ku`ngi instituttın` Ilimiy Ken`esinde tastıyıqlandı (Protokol №7).  

4. A`jiniyaz atındag`ı No`kis ma`mleketlik pedagogikalık institutının` Reglamenti

---

Mag'liwmatlar 21.10.2011 j ıl  jan'alandi