e-academy.uz

Харакатлар стратегиясидан тест

Нызамшылық базасы

Халкаро лойихалар

ХИМИЯ-БИОЛОГИЯ ФАКУЛЬТЕТИ

ХИМИЯ-БИОЛОГИЯ ФАКУЛЬТЕТИ


            Факультеттиң дәслепки дийўалы оқытыўшылар   институтында 1943-жылдың сентябринен физика-математика кафедрасы қурамында ис баслаған Тәбияттаныў-география бөлими тийкарында салынып, ол 1948-жылы факультетке айландырылды. Усы факультеттиң биринши деканы химик үлкен оқытыўшы А.Бөлешов болды. 1959-жылы х.и.к. Пак Яков факультет деканы болып тастыйықланды.   Буннан кейинги   1960-1965- жыллар аралығында факультетке проф. С.Ережепов, 1967-1968-жыллары А.Тлеубергенов, 1969-1986-жыллары доц. К.Айтбаевлар декан лаўазымында жумыс иследи.

            Елимиз ғәрезсизликке ерискеннен кейин Республикада мектеп муғаллимлерин таярлаўды жетилистириў мақсетинде 1990-1991-оқыў жылында Нөкис мәмлекетлик педагогикалық институтының қайта тиклениўи менен бул факультет тәбияттаныў аты менен 1996-жылы 5-сентябрьде қайта шөлкемлестирилди ҳәм декан лаўазымында 1996-1998-жыллары проф. Б.Алламуратов, 1998-2002-жыллары доц. Ш.Сапаров, 2003-2010 жыллары доц. Ш.Алламуратов, ал 2010 жылдан ҳәзирге ўақытқа шекем доц. А.Сапаров басшылық етпекте.

            Факультет республикамыз ҳәм қоңсыслас областлардың мектеп, лицей ҳәм кәсип-өнер колледжлери ушын химия, биология салалары бойынша пән муғаллимлерин жетистиретуғын 5110300 - «Химия оқытыў методикасы», 5110400 - «Биология оқытыў методикасы» бакалавр тәлим бағдарлары ҳәм 5А110401-Анық ҳәм тәбийий пәнлерди оқытыў методикасы (биология) қәнигелигиниң магистратура дәрежесиндеги қәниге оқытыўшыларды таярламақта. Олар питкергеннен кейин республиканың оқыў ҳәм тәлим-тәрбия мекемелерине  келисилген өз-ара шәртнамалар тийкарында жумысқа толық орналаспақта.

Талабалар контингенти республиканың халық-хожалығы талабына байланыслы жылдан-жылға  көбеймекте. Ҳәзирги күнде факультетте  503 талаба бакалавр тәлим бағдары (5110300-«Химия оқытыў методикасы» бакалвр тәлим бағдарында 289 талаба, 5110400-«Биология оқытыў методикасы» бакалвр тәлим бағдарында 214 талаба,) бойынша билим алады.  Оларға 15 мыңға шамалас атамадағы 145 мыңнан аслам нусқадағы қорға ийе китапхана, ҳәзирги заман техник үскенелери менен тәмийинленген, интернет пенен жалғанған  электрон китапхана ҳәм класслар, кабинет ҳәм лабораториялар пайдаланыўында болып, талабалар билиминиң тереңлесиўине тийкар салады. 

Зийрек талабаларға  илимий дәрежеси   жоқары, үлкен  тәжирийбеге ийе профессор-оқытыўшылар устазлық етеди. Усының менен бирге пән ағласы ҳәм инталы талабалар ишинен  2014-2015 оқыў жылында химия тәлим бағдары 4-курс талабасы Оразова Шахноза “Улуғбек” атындағы мәмлекетлик стипендияларын алыўға мияссар болды.

2017-2018 оқыў жылында Биология оқытыў методикасы бакалавр тәлим бағдары 4-курс талабасы Ражабова Сарвинисо “Наўайы” атындағы мәмлекетлик стипендия жеңимпазы болды. 

Ҳәзирги күнде факультетте “Химия оқытыў методикасы” ҳәм “Биология оқытыў методикасы” кафедралары болып, оларда 2 илим докторы, профессор, 13 илим кандидаты, доцентлер, 39 үлкен  ҳәм  ассистент оқытыўшылар болып, бакалавр ҳәм магистратура талабаларына сабақ өтеди, илимий-изертлеў жумысларына басшылық етеди, улыўма факультеттиң илимий дәрежелилиги  28,3 % қурайды.

Бүгинги күнде факультет қурамындағы Химия оқытыў методикасы кафедрасына техника илимлериниң докторы А.Каипбергенов, Биология оқытыў методикасы кафедрасына биология илимлериниң кандидаты, доцент Ф.Өтеновалар басшылық етпекте .

         Факультеттиң профессор-оқытыўшы ҳәм талаба жаслары халық-аралық, республикалық ҳәм институт көлеминде өткерилтуғын илимий-әмелий конференцияларға жедел қатнаспақта. Факультетте 2016-жылы 19-20 сентябрь сәнелеринде «Биологиялық көп түрлиликти сақлаў, қайта тиклеў ҳәм қорғаў мәселелери» атамасындағы Республикалық илимий-теориялық конференция, 2017-жылы 16-17 ноябрь сәнелеринде «Тәбийий пәнлерди оқытыў ҳәм изертлеў мәселелери » атамасындағы Республикалық илимий-теориялық конференция өткерилди. Бул конференцияларға республикамыз ЖОО ларынан, ӨзРИА илимий изертлеў институтларынан, орта арнаўлы билим бериў мекемелеринен профессор-оқытыўшылар, илимий хызметкерлер, магистрант ҳәм студентлер қатнасты.

Факультет кафедралары тәрепинен Өз.РИА ҚҚ бөлиминиң Тәбият илимлериниң бирлескен, Биоэкология ҳәм Микробиология Институтлары, Ботаника бағы, Нөкис МПИ қасындағы №1 ҳәм №2 академиялық лицейлери, Нөкис ҳәм Хожели педагогикалық колледжлери, Нөкис қалалық ХББ қараслы оқыў мекемелери менен бирге ислесиў  шәртнамалары дүзилген болып, бул талабалардың лаборатория сабақларын өтиўде, қәнигелик ҳәм педагогикалық әмелиятларын алып барыўда үлкен жәрдемлерин бермекте. 

Химия оқытыў методикасы кафедрасы


  Әжинияз атындағы Нөкис Мәмлекетлик педагогикалық   институтының Химия-биология факультети қурамында 2000-2001 жыллары «Химия» кафедрасы, 2006-жылы «Химия ҳәм экология» кафедрасы, 2015-жылы Химия оқытыў методикасы кафедрасы болып қайта ашылды. Бул кафедрада анорганикалық химия ҳәм органикалық химия   лабораториялары бар.

Ҳәзирги ўақытта Химия оқытыў методикасы кафедрасында 16 профессор-оқытыўшы, соннан 1 доктор, 2 доцент, 3 аға оқытыўшы, 10 ассистент, 1 лаборант (1 жоқары мағлыўматлы) жумыс ислеп атыр.

А.Каипбергенов т.и.д., кафедра баслығы, Б.Жумабаев х.и.к, М.Ажиева п.и.к., аға оқытыўшылар: З.Менлимуратова, А.Ерекеева, З.Бектурганова, ассистентлер:  Л.Кабулова, М.Аскарова, К.Реймов, Т.Ибадуллаева, Л.Аймурзаева, А.Курбанбаева, Р.Жумамуратов, С.Косназаров, Э.Абдисаттарова, А.Кудайбергенова.

Ҳазирги у ақытта 5110300- химия оқыты у методикасы бакалавр талим багдары бойинша талаба жаслар қарақалпақ , озбек , қазақ , рус тиллеринде заманагой талим сырларын уйренбекте . химия оқыты у методикасы кафедрасинда таярланип атырган химик қанигелер мектеплерде , академик лицейлерде касип - онер колледжлеринде оқыты у шы , илим - изертле у институтларинда лаборант , табиятты қорга у комитетлеринде асбап - ускенелерди техникалиқ басқары у хизметкерлери сыпатинда ислеп атыр .

Кафедраның 2 доцент оқытыўшылары: М.Ажиева Ташкент қаласында Низамий Педуниверситетинде «Совершенствование содержание и методики преподавание химии и использованием местных сырьевых ресурсов (на примере темы «галогены»), Б.Жумабаев ӨзР ИА Улыўма ҳәм органикалық емес химия институтында «Влияние новых комплексных добавок на структурообразование в дисперсиях за соленных песков» темасында кандидатлық диссертацияларын 2007-жылы жақлап шықты.

Химия оқытыў методикасы кафедрасында 3 излениўши илимий жумыслар үстинде жумыс алып барып атыр. Қ.Реймов «Технологии переработки дистилерной жидкости и производства закрепителья засоленных песков на основе отхода УП Кунградский содывый завод.»,  Л.Кабулова «Особенности интенсификации клинкеобразования в сырьевых смесях, состоящих из мергеля и кремнеземистых материалов», илимий басшы ӨзР ИА ТашХТУ профессоры Т.Атакузиев, Т.Ибадуллаева «Кальций бензоати, никотинати, пальмитати, олеати ва стеаратларнинг амидлар  билан  координацион бирикмалари» илимий басшы химия фанлари доктори: Азизов Тохир  Азизович.

Усы илимий темалар тийкарында кафедра профессор-оқытыўшылары тәрепинен 2000-2008 жыллар аралығында 50 аслам илимий мақалалар, 25 аслам методикалық қолланба, талабалар тәрепинен 25 мақала илмий газета-журналларда        басылып шығылды. Кафедраның профессор-оқытыўшылары, талабалар ҳәр қыйлы илимий теориялық конференцияларға қатнаспақта. 


Химия лаборатория ханасы

 


QABUL - 2018

НМПИ 2018-2019-оқыў жылы ушын ҚАБЫЛЛАЎ КОМИССИЯСЫНАН ТЕЗ МАҒЛЫЎМАТ АЛЫЎ ТЕЛЕФОНЛАРЫ 

(CALL  CENTER) 

(+99861) 229-40-93
(+99861) 229-41-03 
(+99861) 229-40-97

Абитуриентлер ҳужжетлерин қабыл етиў 15-июндан-15-июлге шекем
Тест сы наўлары   1-августтан 15-августка шекем
Биринши смена 08:00
Екинши смена 15:00




Кабыллау  бойынша веб-сайт


Корпоратив почта

"Edu.uz" rasmiy kanali

Электрон таълим