e-academy.uz

Харакатлар стратегиясидан тест

Нызамшылық базасы

Халкаро лойихалар

Шет тиллери факультети

Шет тиллери факультети институт көлеминде өз мийнет жолын 1937-жылдан Рус тили ҳәм әдебияты факультети аты менен баслады. Факультет ашылған жылы 2 профессор-оқытыўшы менен жумыс баслаған болса, ҳәзирги күнге келип профессор-оқытыўшылар саны 60 ға жетти. 1939-жылы факультеттиң биринши қарлығашлары болып 8 талаба питкерип шыққан ҳәм факультеттиң талабалар саны жыл сайын артып барды. Ҳәзирги күнде факультетте 150 ден аслам қәнигелер таярланбақта. Рус тили ҳәм әдебияты факультетин питкерген мыңлаған қәнигелер Республикамыздың илим ҳәм мәдениятын,  халық хожалығын ҳәм экономикасын раўажландырыўда өзлериниң гиреўли үлеслерин қосып келмекте.

Факультет институт өмиринде өзиниң салмақлы тарийхый жолына ийе. Белгили илимпаз алымлар М.К. Нурмухамедов, профессорлар Н.А. Урумбаев, А.А. Азизов, Г.Д. Петров, Б. Есемуратов, А. Умаров, Л.Б. Хван, К.М. Кощанов, К. Жаримбетов, доцентлер А. Жақсыбаев, П.И. Сенин, А.Н. Сидоров, С. Аллаяров, Б. Қощанов, З. Шамуратовалар елимизге жоқары билимли жас қәнигелерди таярлап бериўде өз үлеслерин қосты. Факультетти питкерген талабалар арасында мәмлекетимиздиң раўажланыўына үлес қосқан көплеген илим ғайраткерлери, алымлар ҳәм басшы хызметкерлер бар. Олардан академиклер М.К. Нурмухамедов, Х. Хамидов, жазыўшы Өзбекстан қаҳарманы Т. Қайыпбергенов, Өзбекстан қаҳарманлары Л. Тен, Алланияз Утениязов, Қарақалпақстан Республикасына мийнети синген мәденият ғайраткери Қ. Алламбергенов, профессорлар А. Умаров, Е. Бердимуратов, Л.Б. Хван, К.М.Кощанов, доцентлер А. Турабаев, С. Аллаяров, Б. Хощанов, А. Жаримбетов, К.Сапаров, О. Маткурбанов, Ю. Маткурбанов, Т.Халмуратов, Г. Алламуратова, А. Алламуратова, Ж. Максетова, Я. Ким, басшы хизметкерлер А. Сапарниязов, С. Қалбаев, Е. Байназаров, Г. Тлеуов ҳәм тағы басқа исмлерди келтирип өтиўимиз орынлы.

Шет тиллери факультети болып еки қәнигеликтен ибарат инглис ҳәм немис тиллери бағдары тийкарында 1954-жылы ашылды. Факультеттиң тийкарғы мақсети инглис ҳәм немис тили бойынша жоқары маманлықтағы оқытыўшыларды республикамыз мектеплерине жетилистириў болды. Факультет ашылған дәўирде 55 талаба, 3 топар: 2 инглис тили топары, 1 немис тили топарынан ибарат еди. Оларға дәслепки жылларда 3 профессор-оқытыўшы шет тиллеринен талабаларға Ж.А. Алламуратов, Р.И. Банк, А.П. Серовлар сабақ берди. Факультетимизге 1954-1958 жыллардағы ҳәм 1961-1968 жыллардығы дәўирде инглис тили бойынша жергиликли қәниге кадрымыз филология илими кандидаты Ж.А. Алламуратов басшылық етти. Усы жыллары устазларымыз қурамы сан ҳәм сапа жағынан әдеўир толысты.

Ҳәзирги ўақытта факультетке филология илимлери кандидаты, доцент Ильюша Дилманов Оракбаевич басшылық етип келмекте.



QABUL - 2018

НМПИ 2018-2019-оқыў жылы ушын ҚАБЫЛЛАЎ КОМИССИЯСЫНАН ТЕЗ МАҒЛЫЎМАТ АЛЫЎ ТЕЛЕФОНЛАРЫ 

(CALL  CENTER) 

(+99861) 229-40-93
(+99861) 229-41-03 
(+99861) 229-40-97

Абитуриентлер ҳужжетлерин қабыл етиў 15-июндан-15-июлге шекем
Тест сы наўлары   1-августтан 15-августка шекем
Биринши смена 08:00
Екинши смена 15:00




Кабыллау  бойынша веб-сайт


Корпоратив почта

"Edu.uz" rasmiy kanali

Электрон таълим