e-academy.uz

Харакатлар стратегиясидан тест

Нызамшылық базасы

Халкаро лойихалар

ФИЗИКА-МИЙНЕТ ФАКУЛЬТЕТИ

Факультет тарийхы

1934-1935-оқыў жылында ашылған муғаллимлерди таярлаў бөлими тийкарында 1935-жылдың 1-сентябринен физика-математика факультети қәлиплесип, оның 1-курсында 19 студент оқыды. Факультетде «Физика-математика илимлери» кафедрасы болып, оған Россия жоқары оқыў орынларынан шақырылған физика-математика илимлериниң кандидаты, доцент М. В. Шеглов басшылық етти.

1936-1937-оқыў жылында Орта Азия мәмлекетлик университетиниң физика-математика факультетин питкерген О.Булешов, Бухара педагогикалық институтын питкерген М. Галекеевлар жумысқа алынып, факультет жас қәнийгелер менен толықтырылды.

1937-жылы факультеттиң 15 питкериўшисине «Физика ҳәм математика» муғаллими дипломы берилди.

1948-1949-оқыў жылында оқыў саатларының көбейиўи менен «Физика-математика илимлери» кафедрасы «Математика» ҳәм «Физика» кафедрасына бөлинди. «Математика» кафедрасында профессор оқытыўшылардан О. Булешов, М. Галикеев, Ж. Дуйсенгалиев, Ж. Пенский, Н. Зинованлар, ал «Физика» кафедрасында П.Ф.Кромер, А. Нурымбетов, А. Мажитов, А. Алиев, А. Нурманов, В. Н. Кимлар хызмет етти.

Уллы Ўатандарлық урыс жылларында немец-фашист басқыншыларына қарсы саўашта физика-математика факультети тәрбияланыўшысы, 47-авиация полкиниң ушқыш-бақлаўшысы, гвардия аға лейтенант Плис Кольгелдиевич Нурпейсов қаҳарманлық көрсетти. Үш мәртебе данқ ордениниң кавалери П.К. Нурпейсовқа 1945-жыл апрель айында душпан тылында 100 жаўынгерлик тапсырманы орынлағаны ушын Советлер Союзының қаҳарманы атағы берилди.

1959-жылдан баслап физика, математика, мийнет сабақларын оқытатуғын қәнийгели муғаллимлер шығарыла баслады. 1961-жылы «Улыўма техникалық пәнлер» кафедрасы ашылып, дәслеп оны аға оқытыўшы А. Нурымбетов, оннан кейин Қарақалпақстан АССРына мийнети сиңген илим ҳәм техника ғайраткери А. Нурманов ҳәм доцент Ж. Қайпназаровлар басқарды.

Физика-математика факультетин питкериўшилерден мийнет майданында өзлерин жақсы таманнан көрсеткен К.Абдиров, А.И. Балакин, А.А. Журбин, У. Хожаназаров, А. Тажибаев, К. Юсуповлар Республикада басшы лаўазымларда жумыс иследи. Айырым питкериўшилер факультетте оқытыўшы болып ислеп, илимий атақларға ийе болды. Олардан физика-математика илимлериниң док­торы, профессор Е. Жаксымов, профессорлардан Ж. Кутлымуратов, А. Отаров, Б. Абдикамалов, Ш. Каниязов ҳәм т.б.

1976-жылы Нөкис мәмлекетлик университеттиң ашылыўы менен пединституттағы қәнийгеликлер университет қурамына өткерилди.

1990-жылдың 1-сентябринде Әжинияз атындағы Нөкис мәмлекетлик педагогикалық институтының ашылыўына байланыслы, оның инженер педагогика факультетине университеттиң 1989-1990-оқыў жылында қабылланған «Мийнет ҳәм кәсипке бағдарлаў» қәнийгелигиниң 1-курс ишки бөлиминиң 40 студенти, ал сыртқы бөлимниң 50 студенти өткерилди.

Факультетке декан етип техника илимлериниң кандида­ты, доцент Турманов Имаматдин белгиленди. Факультет қурамындағы «Улыўма математика» кафедрасына доцент Б.С. Ахметов, ал «Физика ҳәм мийнетке үйретиў» кафедрасына доцент Қ. Палўанов басшылық етти.

Өзбекстан Республикасы ғәрезсизликке ерискеннен кейинги дәўирде факультетимизде оқыў, тәлим-тәрбия, илимий изертлеў жумыслары Өзбекстан Республикасы Билимлендириў ҳаққында нызамы ҳәм «Кадрлар таярлаў Миллий дәстүри» тийкарында алып барылды.

1991-1993-жылларда факультетте мийнет, мий­нет ҳәм физика, мийнет ҳәм информатика, мийнет ҳәм экономика, физика ҳәм информатика, сызыў ҳәм көркем-өнер қәнигеликлери бойынша кадрлар таярлаў жолға қойылды.

1996-жылы қәнигеликлердиң көбейиўине байланыслы факультет қурамынан «Инженер-педагогика» факультети ажыралып шықты ҳәм оған доцент К.Турданов декан етип бекитилди.

1997-жылы факультет қурамынан «Суўретлеў өнери, сүўретлеў өнери ҳәм сызбашылық» факультетиниң шөлкемлестирилиўи менен бул факультеттиң қурамына өткерилди. 1999-2001-оқыў жыллары даўамында инженер-педагогика факультети деканы болып доцент К.Палуанов, 2001-2003-жылларда доцент М. Арзуовлар иследи. 2003-жылы «Инженер-педагогика» факультети Физика-техника факультети болып өзгерди, факультетке доцент Б. Ибрагимов, ф-м.ф.н. К. Турдановлар, 2005-2006-оқыў жылында «Физика-техника», «Математика-информатика» факультетлери ҳәм «Сүўретлеў өнери ҳәм сызбашылық» кафедралары бирлестирилип «Физика-математика» факультети болып шөлкемлестирилди. 2005-2009-жылларда факультет деканы болып ф-м.ф н. К.Турданов жумыс алып барды. 2008-2009-оқыў жылында институтта «Мектепке шекемги тәрбия» факультети шөлкемлестирилип оның қурамында «Сүўретлеў өнери ҳәм сызбашылық» кафедрасы өткерилди.

2009-2010-жыллар даўамында факультетке ф-м.ф.н. М. Жалелов басшылық қылды.
2010-2014-жылларда факультетте ф-м.ф.н. Қ.Қ.Елгондиев басқарды.
2014-2015-жылларда факультетте ф-м.ф.н. Ж. Сейпуллаев басқарды.
2015-2017-жылларда факультетте т.ф.н. М. Жумамуратов басқарды.

2018-жылдан Физика-мийнет факультети деканы ўазыйпасын Б. Ибрагимов басқарып келмекте. Факультет қурамында физика оқытыу  методикасы, мийнет тәлими кафедралары искерлик  көрсетпекте. Туўылған жылы:30.07.1957
 Туўылған жери: Қарақалпағыстан Республикасы, Кегейли районы
 Миллети: қарақалпақ
 Партиялылығы: Өзбекистан либерал-демократик партиясы ағзасы
 Тамамлаған: 1978 ж. Нөкис мамлекетлик университети (күндизги)
 Дипломы бойынша қәнийгелиги: мийнетке үйретиў ҳәм сызыў муғаллими
 Илмий дәрежеси: техника илимлери кандидаты
 Илмий лаўазымы: доцент
 Мийнет жолы 1978-1981 жж. – Қанлы көл районы Ажинияз атындағы орта мектеп улыўма техника пәни муғаллими
 1981-1985 жж. - Нөкис мәмлекетлик университети рентген металл физика кафедраси аға лаборанты
 1985-1991 жж. – Нөкис мәмлекетлик университети рентген металл физика кафедрасы лаборатория баслығы
 1991-1993 жж. – Нөкис мәмлекетлик педагогика институти физика ҳәм мийнетке үйретиў кафедрасы оқытыўшысы
1993-1996 жж. - Нөкис мәмлекетлик педагогика институти физика ҳәм мийнетке үйретиў кафедрасы ассистенти
1996-1999 жж .- Нөкис мәмлекетлик педагогика институти физика ҳәм мийнетке үйретиў кафедрасы үлкен оқытыўшысы
1999-2003 жж. - Нөкис мәмлекетлик педагогика институти улыўма техника ҳәм касиплик тәлим кафедрасы үлкен оқытыўшысы
2003-2005 жж.- Нөкис мәмлекетлик педагогика институти физика-техника факультети деканы
2005-2006 жж. - Нөкис мәмлекетлик педагогика институты илмий ислер ҳәм хабар технологиялары бойынша проректоры лаўазымын ўақтынша атқарыўшы
2006-2009 жж .- Нөкис мәмлекетлик педагогика институты илмий ислер бойынша проректоры
2009-2013 жж .- Нөкис мәмлекетлик педагогика институты мийнет тәлими кафедрасы доценти
2013- 2017жж , - Нөкис мәмлекетлик педагогика институты мийнет тәлими кафедрасы баслығы
2018 ж.- ҳ.ў. - Нөкис мәмлекетлик педагогика институты физика- мийнет факультети деканы ўазыйасын ўақтынша атқарыўшы
Факультет қурамында физиканы оқытыў методикасы ҳәм мийнет тәлими кафедралары жумыс алып бармақта. Бүгинги күнде факультетимизде 555 талаба жаслар билим алмақда.

 

Физика оқытыў методикасы кафедрасы

  Кафедра 1990-жыл Нөкис мәмлекетлик педагогикалық институтының ашылыўы менен сентябрь айында инженер-педагогика факультетиниң қурамында «Физика ҳәм мийнетке үйретиў» кафедрасы болып шөлкемлестирилди. Сол ўақытлары кафедрада еки илим кандидаты, бир аға оқытыўшы ҳәм бес ассистент оқытыўшы хызмет к өрсетип келди. Кафедра қурамынан 1992-жылы жаңа қәнигеликлердиң ашылыўы менен «Улыўма техникалық пәнлер» кафедрасы ажыралып шықты.

1935-1949-жыллар Физика-математика илимлери кафедрасына проф. П.Ф.Кромер

1942-жылы доцент Б.Д.Франк

1949-1973-жыллар доцент.А.Нурымбетов

1973-1976-жыллар Улыўма физика кафедрасы баслығы доцент.А.Мажитов

1990-жыл Физика мийнет кафедрасы баслығы К.Палўанов

1991-1992-жыллар Физика мийнет кафедрасы баслығы доцент А.Жумамуратов

1996-1998-жылларда Улыўма физика кафедрасы баслығы ф-м.и.к. доцент Б.Қайпов

1998-2007-жыллар аралығында Улыўма физика кафедрасы баслығы ф-м.и.к., доцент К.Турданов

2007-2008-жыллар аралығында ф-м.и.к Улыўма физика кафедрасы баслығы доцент Ж.Жанабергенов

2008-жыл Улыўма физика кафедрасы баслығы доцент А.Жумамуратов

2009-2013-жыллар Улыўма физика кафедрасы баслығы доцент К.Турданов

2014-жыл ҳәзирги күнге шекем Физика оқытыў методикасы кафедрасы баслығы лаўазымын ф-м.и.д, доцент А.Камалов атқарып келмекте.

  Ҳәзирги ўақытта «Физика оқытыў методикасы» кафедрасында 3 илим докторы, 8 илим кандидаты, 1 аға оқытыўшы, 8 ассистент оқытыўшы кафедраның оқыў, тәрбия ҳәм илимий жумысларын алып бармақта. Кафедрада 1 пән кабинет менгериўшиси ҳәм 4 лаборант кафедра жумысларына жақыннан жәрдем береди. Кафедра профессор-оқытыўшыларының орташа жасы 46 %, ал илимий дәрежелик 58 % ти қурайды. Бүгинги күнде физика ҳәм астрономияны оқытыў методикасы бакалавр тәлим бағдарында 298 студент тәлим алмақта.

Кафедра ӨзРИАның Ядро Физикасы, Физика-техника, Электроника институтлары менен сондай-ақ, Низамий атындағы Ташкент мәмлекетлик педагогика университети, Өзбекистан Миллий университети қасындағы Әмелий физика илим-изертлеў институты, Қарақалпақстан Республикасы тәбиятты қорғаў комитети, Қазақстан Республикасы Ақтөбе университети, Х.А.Яссави атындағы Халық-аралық қазақ-түрк университети ҳәм басқада жоқары оқыў орынлары менен бирге ислесиў әмелге асырмақта.

2013-жылы 11-13-ноябрь күнлери институтымызда кафедра профессоры А.Жумамуратовтың 60-жыллығына бағышланған «Физика ҳәм экология» атлы Республикалық көлемде илимий-әмелий конференция болып өтти. Конференцияға Республикамыздың белгили алымлары қатнасты.

   Кафедрада жас алымлар тәрепинен 30 млн 910 мың сўм муғдарында және Илим ҳәм тәлим гранты 25 млн сўм , жәми 55 млн 910 мың сўмлық илим -изертлеў жумыслары алып барылып , бюджеттен тыс қаржы табыў әмелге асырылмақта .

Кафедра тәрепинен шәртнама тийкарында НМПИ қасындағы №1, №2, №3 ҳәм №4 санлы Академиялық лицейлер , Шоманай , Елликқала , Төрткүл , Тахтакөпир , Мойнақ , Кегейли , Нөкис районлары ҳәм Нөкис қаласындағы Улыўма билим бериў мектеплери менен методикалық бирге ислесиў ислери алып барылмақта .

Кафедра профессор-оқытыўшылар тәрепинен сонғы 5 жылда ислеген мийнетлери а-х.и.д. профессоры Ажимурат Жумамуратов 1 монография (Современное агрогеохимическое состояние орошаемых почв Республики Каракалпакстан и пути их улучшения 2013 г), 2 оқыў қолланба (Ядро физикасы 2013-жыл, Атом ядро ҳәм элементар бөлекшелер физикасы 2016-жыл) Турманов И ., Қарлыбаева Г (Физиканы оқытыў методикасының тийкарлары аўдарма 2015- жыл), Қарлыбаева Г., Матжанов Н. (Физика ҳәм астрономия оқытыў методикасы 2017-жыл).

Мийнет тәлими кафедрасы

Қарақалпақ мәмлекетлик педагогика институтының физика - математика факультети қурамынан 1961 - жылы «Санаат ислеп шығарыўы ҳәм тийкарлары» кафедрасы шөлкемлестирилип, кафедраны аға оқытыўшы А. Нурымбетов басқарды. Сол жыллардан баслап кафедраның материаллық базасын жақсылаў мақсетинде устаханалар шөлкемлестирилди. Устаханалар сол дәўир талабына сәйкес келетуғын ағашқа ислеў бериўши станоклар, металларға ислеў, кесиўши, жоныўшы, тесиўши ҳәм резба шығарыўшы станоклар ҳәм басқада үскенелер менен толтырылды.

 1965-жылдан баслап усы кафедраны т.и.к. А. Нурманов басқарды. Усы жылы кафедра жоқары категориялы профессор-оқытыўшылар менен толықтырылды. Олардан Б. Усенов, М. Ембергенов ҳәм Ж.Қайыпназаровлар еди.

1970-жылдан баслап кафедраны ф -м.и.к. Ж.Қайыпназаров басқарды. Сол жыллары кафедраға тәжрийбели профессор-оқытыўшылардан Н.П. Ширяев, Б. Усенов, Ю.Машарипов, М.Ембергенов, А.Романовлар талаба жасларға тәлим-тәрбия берди. Жылдан жылға кафедраға тийисли лаборатория кабинетле рини ң материаллық-техникалық базасы толы қтырылып барылды.

1990-1991-оқыў жылы Қарақалпақ мәмлекетлик университетинен Нөкис мәмлекетлик педагогик а институты ажыралып, қайта шөлкемлестирилди ҳәм инженер-педагогика факультети қурамынан «Физика ҳәм мийнетке үйретиў» кафедрасы дүзилип, оған ф -м.и.к. Қ.Палўанов басшылық етти.

Кафедраға тийисли «Мийнет», «Мийнет-физика», «Мийнет-информатика», «Мийнет ҳәм сүўретлеў өнери», «Мийнет ҳәм кәсипке бағдарлаў», «Мийнет ҳәм аўыл хожалығы механизациясы» бағдарлары бойынша қәнигелер таярлай басланды .

Сол жылы Қарақалпақстан Республикасы Жоқары Кеңеси менен Министрлер Кеңесиниң рухсаты менен Төрткул г үзары бойындағы бина инженер-педагогика факультетине берилди. Тез күнлерде реконструкция жумыслары алып барылды ҳәм лаборатория кабинетлери әспаб-үскенелер менен тәмийинленди.

1992-жылы «Физика ҳәм мийнетке үйретиў» кафедрасы қурамынан «Улыўма техника пәнлери» кафедрасы ажыралып шықты, оған ф -м.и.к. А.Жумамуратов басшылық етти. Усы жыллары оқытыўда теория ҳәм әмелият бирлигин тәмийинлеў мақсетинде жаңадан «Материалтаныў», «Аўыл-хожалығы машиналары», «Ағашқа ислеў бериў», «Металларға ислеў бериў», «Тигиўшилик» устахана лары, «Электротехника ҳәм радиотехника», « П әзендешилик» лабораториялары шөлкемлестирилди.

      Ө збекстан Республикасы пәнлер акедемияс ы ядро физикасы институтына мақсетли аспирантураға Б. Ибрагимов 1996-жылы оқыўға жиберилди ҳәм 2001-жылы кандидатлық диссертациясын жақлап, техника илимлери кандидаты илимий дәрежесине ийе болды.

Бул жыл даўамында кафедраға тийисли болған лабораториялар кейинги моделдеги станоклар, макетлер, өлшеў әсбаплар ҳәм зәрүр әсбап-үскенелер менен толықтырылды, материаллық-техникалық база байытып барылды.

1992-1998-оқыў жылы кафедраны т.и.к. М. Арзуов басқарып, усы жылларда «Өзбекистан Республикасы аўыл-хожалығын механизацияластырыў ҳәм электрофикациялаў илимий изертлеў» институтына мақсетли аспирантураға кафедра ассистент-оқытыўшысы Б.Утепбергенов оқыўға жиберилди ҳәм 2002-жылы т.и.к. илимий дәрежесин алды.

2001-2005-жылларда кафедраны т.и.к. доцент Н.Сапарниязов , 2006 - 2013 - жылларда доц ент. Б.Авезов лар басқарды. 2013-жыл ноябрь айынан баслап т.и.к. доц. Б. Ибрагимов кафедра ны басқарып келмекте.

Ҳәзирги ўақытта кафедра «Мийнет тәлими» ҳәм  «Кәсиплик тәлим » (Дизайн) бағдары бакалавр ларды таярламақда. Бул бағдарларда ҳәзирги күнде 255 талаба билим алмақда. Ҳәзирги заман талабы дәрежесинде талабалар терең билим алыўлары ушын кафедрада 4 оқыў устахана, 2 лаборатория ҳәм 2 пән кабинетлери шөлкемлестирилди. Кафедраға тийисли барлық пәнлерден оқыў методикалық комплекслер, модуль системасы, презентациялар таярланып, жаңа педагогикалық технологиялар тийкарында талабаларға билим берилмекде.

2017-2018-оқыў жылында кафедра улыўма жүклемеси – 15360 саатты қурайды. Кафедрада тийкарғы штатта – 15, қосымша штатта– 3 профессор-оқытыўшы искерлик жүритпекте.

Бүгинги күнде кафедрада 1 илим докторы, 3 илим кандидаты ҳәм доцентлер, 7 аға оқытыўшы ҳәм 4 ассистент оқытыўшылар жумыс алып бармақта. Кафедра илимий потенциялын – 29 процентти қурайды.

Кафедрада профессор-оқытыўшылары тәрепинен соңғы 5 жыллықта баспадан шыққан илимий жумыслар:

1. Оқыў қолланбалар саны – 2;

2. Методикалық қолланбалар саны – 8;

3. Рационализаторлық патентлер саны – 3;

2017 - жылда кафедра доценти Б.Даулетмуратов докторлық диссертациясын қорғап, техника илимлери докторы илимий дәрежесине ийе болды.

2015-2016 - оқыў жылда Мийнет тәлими бағдары талабасы С.Аманиязова “Ёш тадбиркор - юртга мададкор” көрик таңлаўы Республика басқышында 1-орынды ийеледи;

2016-2017 - оқыў жылында 2 талаба “Әжинияз” атындағы мәмлекетлик стипендияты;

2017-2018 - оқыў жылында 1 талаба “И.Каримов” атындағы мәмлекетлик стипендиаты болыўға еристи.


 

QABUL - 2018

НМПИ 2018-2019-оқыў жылы ушын ҚАБЫЛЛАЎ КОМИССИЯСЫНАН ТЕЗ МАҒЛЫЎМАТ АЛЫЎ ТЕЛЕФОНЛАРЫ 

(CALL  CENTER) 

(+99861) 229-40-93

(+99861) 229-41-03 

(+99861) 229-40-97 

Абитуриентлер ҳужжетлерин қабыл етиў 15-июндан-15-июлге шекем
Тест сы наўлары   1-августтан 15-августка шекем
Биринши смена 08:00
Екинши смена 15:00



Корпоратив почта

"Edu.uz" rasmiy kanali

Электрон таълим